كوبونات الراقية تسجيل الدخول

*المسافرة*

*المسافرة* @almsafr

عضوة شرف في عالم حواء

اللي عندها طفل بعمر السنة وترضعه صناعي تدخل شوي لاهانت!!

الأمومة والطفل •

السلام وعليكم خواتي..

عندي بنت تمشي في السنة.. ترضع بين وبين صناعي يعني عادي الأمر وياها الحمدلله بس مرات أعطيها 125 وتخلص المرضعة ومرات تشوب شوي وبس..

احترت كم نعطيهم بالعمر.. وللحين أعطيها سيميلاك.. أذكر عادي بهالعمر ندخللهم الفريش؟؟ انتوا شو رايكم الأحسن نيدو والا فريش مثل المراعي ووووووو؟؟

بانتظاركم.. لأنها فعلا تهلكني بالليل كل شوي تبقي ترضع.. قلت بعطيها صناعي رضعة عالليل وأشوف بعدين شو النتيجة..

همتكم وياية شوي.. والله يعطيكم العافية
7
904

يلزم عليك تسجيل الدخول أولًا لكتابة تعليق.

تسجيل دخول

نسائم إيمانية
نسائم إيمانية •
وعليكم السلام ورحمة الله وبركاته
:)
أعتقد الفريش أحسن عن الحليب المجفف
لما ولدي كمل سنة سألت دكتور الأطفال شو أحسن الفريش ولا حليب الأطفال البودرة شو ما كان نوعه
قال تقريبا نفس الشي الحليب الفريش فيه معادن وفيتامينات وأملاح

على الأقل الفريش نعرف إنه طازج
أما الحليب البودرة مار على كذا عملية حتى تحول لبودرة
غير إنه أغلبيته تصنيع بلاد أوروبية...............................؟؟؟؟؟؟؟؟؟؟؟؟؟؟؟؟؟؟؟

عشان جذه أفضل الحليب الفريش
والحمدلله عيالي كلهم ( أكبرهم عمرها 8 سنوات وأصغرهم عمره سنة) من كملوا سنة على طول بدلت حليبهم لحليب فريش ولغاية الحين الحمدلله يداومون على شربه


وولدي اللي عمره سنة ونص أعطيه حليب 3 إلى 4 مرات في اليوم (150 مل)
وقبل ما أرقد مباشرة (11 مساء تقريبا) أسويله رضعة ولو كان راقد والحمدلله ما ينش إلا
الصبح.

هذا راي وشوفي ردوود الخوات وخذي برأي الأغلبية
واسمحيلي كثرت عليج
*المسافرة*
*المسافرة* •
الحمدلله أختي انه ماينش للصبح هذا أهم شي..

ترى أنا كنت أقول الفريش أكيد أحسن بس ربيعتي لوعت بجبدي على قولتها تروح مرات روايح بالحليب وخاصة المراعي وطبعا هذا اللي دايم أستخدمه..

أشوفني بدخللها الفريش من ألحين أظن عادي هي بعدها توها مكملة ال11 شهر..

مشكورة الغالية ماقصرتي ورايج وكلامج حلو..

وبانتظار باقيالخوات يخبروني على تجاربهم.. ومنكم نستفيد..
ام ميرو
ام ميرو •
انا ولدي سنة وخمسة شهور من السنة اعطية حليب الصافي وهو يحبة الحمد للة وتقبلة افضل من البودرة وبيني وبينك مريح وقت النوم بدل الماء المغلي وغيرة بيكون جاهز للاستخدام0000
جروح الصمت
جروح الصمت •
هلا وغلا


بعد اذنك يالمسافره انا مراح افيدك بس حابه اسأل تقصدون حليب فرش يعني مثل

الصافي والمراعي ونادك ولاانا غلطانه واذا هذا الفرش تسخنونه وتعطونه لعيالكم

ولا يكون موفي الثلاجه وتعطونه لعيالكم علي اساس انه حار مش بارد ومايخرب اذا خليته

بره موفي الثلاجه .



ويعطيكم العافيه
*المسافرة*
*المسافرة* •
ام ميرو ام ميرو :
انا ولدي سنة وخمسة شهور من السنة اعطية حليب الصافي وهو يحبة الحمد للة وتقبلة افضل من البودرة وبيني وبينك مريح وقت النوم بدل الماء المغلي وغيرة بيكون جاهز للاستخدام0000
انا ولدي سنة وخمسة شهور من السنة اعطية حليب الصافي وهو يحبة الحمد للة وتقبلة افضل من البودرة...
مشكورة الغالية عالرد.. قصدج الصافي اللي يكون معلب مثل لاكنور؟؟

يعني كيف تعطينه بالبيب والا بالمرضعة؟؟

والله يعطيج العافية..