اللي عندها طفل عنيد وعصبي وعرفتله تجي تساعدني ،،

السلام عليكم ياامهات ومربيات ،،
ماكتبت هذا الموضوع الا كل الطرق استنفذتها مع ولدي اسأل الله له الهدايه والصلاح ،،
عمره سنتين وسبعه شهور ،،
علشان تكون الصوره واضحه من يوم جبته وهو عصبي ،،
يعني يبكي كثير وتنويمه كان صعب شويتين ،،
لدرجة كان يبكي وابكي معاه مو عارفه اش فيه ،،
بعد سته شهور خف وهدي شوي ،،
لما صار يمشي طبعاً الله يهديه ويحفظه بس يشيل ويحط بس عادي عندي فداه البيت كله ،،
بس رجع لبكاه ،،
بس يبكي ع الصغيره والكبيره ويعاااااند بشكل فضيع ،،
مثلاً يكون في يده قزازه واجي باخذها على طول يكسرها ،،
او معه مويه او عصير بس يعرف من نظرتي اني بلحقه قبل مايكبها يكبها بسرررعه ،،
كل شي يطلبه بزن وبكا ،،
وبس يضربني اذا اخذت منه شي او كلمته او خاصمته علي طول يضربني ويرمي الاشياء ويصرخ بقووه ،،
يضرب اخواتي (خالاته) لادنى شي مع انهم يحبوه ويلعبو معاه ،،
اذا مالقي شي يسويه يروح يضرب خاله اللي هو اخوي بخامس ،،
ويصير يرمي عليه الاشياء كذا بدون سبب ،،
جاته فتره يبكي لما اغيرله والله اللي يسمع بكاه يحسبني بذبحه ،،
بكا فضيييع كنه قاعد يتعذب بس كنه هاليومين خف ،،،
وعموما ً بكاه كذا لو اخذت منه شي كني احرقه بنار مع اني مامديت يدي عليه ،،
طبعاً هالشغلات كلها فيه والحين زااد لما جبت طفل جديد ،،
جنني والله وصار بس يضرب بهالطفل ،،
والله مااجمعهم في غرفه ياناس ،،
الصغير بس في الغرفه طول اليوم لانه لو شافه تلطيش على طول او يرمي عليه اشياء خطيره ،،
انا تعبت ،،
وصارت اعصابي تعبانه وفلتانه ،،
والله اني اقوم وادعيله وان شالله ربي ياجرني ويهديه ،


اكيد بتقولو كيف معاملتك معاه ،،
انا حنونه ومااضرب ويحبني اكثر من ابوه ،،
واحضنه واوبوسه دايماً ،،
واحبه والله اكثر من الصغير بس جنني وصرت ابكي منه ،،
مؤخراً صرت اضربه خصوصاً لو ضربني لاني لاحظته يتمادى لو سكت ويصير كل شوي يضرب ،،
وصرت اخاصمه اذا زودها ،،
طبعا الغالب اسكت واكلمه بالحنيه ،،
مثلا امس يفتح الثلاجه ويطلع البيض ويكسره والله اقوله ليش حبيبي ليش كذا غلط ومااضوبه وامسك اعصابي كثير ،،


ابوه يضربه مايستحمل تصرفاته وصياحه وكم مره حاولت في ابوه مايضربه يوعدني وبعد شوي ينرفزه يقوم يضربه ،،
بس الصدق يخاف من ابوه ويحسبله حساب ولايبكي كثير قدامه ،،
وانا اكلها في الغالب ،،
يابنات اللي عندها طرق ممكن اتعامل معاه فيها واخفف من عصبيته ،،
المشكله انا مو عصبيه اقول طالعلي مثلاً ،،
ابوه بس يناقر فيه ،،
يمكن اللي فيه من ابوه مني عارفه لانه ابوه مايتجاهل اي خطا منه على طول صياح وضرب ،،
ووصلت معايا اني اتضاربت مع زوجي كثيير وتكبر علشان ذا الموضوع ،،
على فكره ابوه مره يحبه ودايم يشتريله العاب وفي الاسبوع مرتين نخرجه العاب وملاهي وزحاليق يتسلى يعني مو مكبوت ،،
بس مايستحنل صياحه لان صياحه كثير وعناده قوي فيفقد اعصابه معه ،،
بنات الي عندها حلول تعطيني ،،
وكيف ممكن اخليه يحب اخوه ومايضربه تعبني هالموضوع ،،