اللي عندها طفل كلامو غير واضح وسجلتو روضة ياريت تدخل ضروري

بنتي كانت كذا لدرجة وقت المقابلة لما جيت اسجلها تمهيدي ماكانت تفهم الاسئلة وماكانت المعلمة تفهم على بنتي بعد وكنت مرررة متضايقة ابي اخليها تتعلم وتندمج مع الاطفال وخايفة عليها بنفس الوقت وكان عمرها ٥ سنوات والحمدلله مشت امورنا والحين ماشالله بصف ثالث وماشية صح احس البنات الي حولها بالصف يفهمون كويس كأنهم حريم كبار وبنتي كأنها بصف اول بس الحمدلله ماشية وعندي امل انها تتحسن اذا كبرت هي كلامها صار عادي بس تفكيرها اصغر من عمرها بس الروضة كانت بدااااية خيييير لانه بيندمج مع الاطفال وبيحفظ اناشيد وبيتحسن كلامه باذن الله

مشكورة يا قلبي شجعتيني والله

جربي اكليه بيض الحمام وادعي لي
وتراها من طب الطاقه

سمعت بموضوع البيض بس سالت يقولو لازم البيضة تكون توها نازلة من الحمامة يعني جديدة
واصلا صعبة ولدي مايحب البيض يقرف منو

اهلين اختي
الله يشفي لك ابنك وتفرحي فيه يارب
والله يطلق لك لسانه حتى تقولي له خلاص ياابني يا حبيبي اسكت لا تتكلم كثير :09:
امزح معاك حبيبتي

حبيبتي عندي قريبه لي ابنها من يوم خلق لعمر اربع وخمس سنوات وهو ما يحكي ولا كلمه وكمان وهو صغير ما مشى الا متأخر يعني تقريبا بعد ثلاث سنه وفي سن خمس سنوات كان يتكلم كلام مو واضح نحاول نفهمه ويوم بلغ سن المدرسه ما دخل المدرسه كان يروح يوم ويوم لا الين وقف كان يخاف المدرسه مع ان ابوه معاه في نفس المدرسه معلم
وهذي السنه دخل المدرسه صف اول والمفروض انه صف ثاني امه تقول القرآن عنده سهل ماشاء الله
لكن القراءة صعبه عليه ولسه كلامه مو واضح كثير لكن المدرسه حلوه له حتى يختلط بالأولاد ويتحرك لسانه
ولو انها دخلته روضه كان استفاد اكثر لكن كان يخااااف وما تيسر لها ...

وكمان وحده من قريباتي عندها بنت الحمدلله طبيعيه لكن ما تتكلم ولا كلمه اظن غير ماما وبابا وفيها حياااااااااء زايد
والحين عمرها مقارب اربع سنوات وبدأت تتكلم ع خفيف ...

اختي الطفل كل مااختلط باطفال كثيرين بيحاول يتكلم مع تدريبك وتعليمك له
مثلا تروحي مركز التعليم المبكر وتأخذي من عندهم ادوات تعليم تفيدك في تعليمه حتى ماشاء الله تصبح حروفه واضحه
واذا انتي في جده روحي به مركز جش ..

هذا اللي اعرفه..... اتمنى اكون افدتك