ولدي من الاربعين عنده حساسية الصدر مره يقولون حساسيه ومره ربو لدرجه لما عمره 3اشهر اعطوه بخاخين فنتولين والثاني لونه برتقالي بس ماارتحت لهم ومااستمريت عليهم وكان دائما عالبخار والفنتولين من عمره 4سنين بدا يتحسن شوي والان عمره 6سنين يتعب من الزكام دائما بس الحمدلله نادر مايحتاج لبخار غير كذا عنده تضخم فاللوز ودائما تلتهب والمفروض يطلعها من عمره 3سنين وعنده بعد لحميه ونفس الشي لازم يطلعها اعتقد لو طلع اللوز واللحميه راح يقل اصابته بالزكام

اذكر لما عمره 6اشهر رحت كم يوم للامارات تعب ولدي هناك من صدره ووديته المستشفى الايراني وطلع عنده التهاب فالصدر وعطوه علاجات كان من ظمنها اكياس بودر استخدم كل يوم كيس واخلطه مع الاكل في وجبه المساء واعطيه اياه واشتريت علبه بس كان فيها 28حبه ع اساس انه متوفر في منطقتي والمفروض استمر عليه لمدة 3اشهر بس للاسف ماكان متوفر المهم استخدمته وتبارك الله حوالي شهرين مارجع له حساسيه الصدر غير شي بسيط ماينذكر بس بعدها رجع من جديد يمكن لاني مااستمريت عالعلاج 3اشهر واذكر ان سعر العلبه كان 220درهم اعتقد