انت لو شلتي الفكره من بالك تقدرين في الشغل بس مادامت الفكره معششه في المخيخ صدقيني مارح تمشي امورك انا ولدين وبيت ملك وكبير ماشاء الله وحديقه اهتم فيها ولالالالالالالالالالالالا فكرت مجرد تفكير اني اجيبها لبيتي الله بغنيني عنها انت توكلي على الله ورتبي وقتك وصدقيني مارح تحتاجينها

هلا اخواتي
مشكورين ع التفاعل الله يعطيكم العافيه
اقتنعت اني اجيب شغاله بالشهر لرمضان بس وبعد كذا اقسم الشغل وانظمه وبالشهر مره اجيب شغاله باليوم..
اختي الوحيده...بالغتي شوي بكلامك مو لهالدرجه صارت اللي تجيب شغاله كسوله ووسخه!!!!اكثر البيوت فيها شغالات يمكن حتى بيت اهلك معقوله صاروا كل هالحريم وسخات اللي منهم امي وامك؟؟؟؟؟؟؟؟؟؟؟كل وحده وظروفها وحالتها واللي تجيب شغاله مو معناها انها كسوله او وسخه يمكن تبغى مساعده اضافيه عشان تقدر تقوم بالشغل باحسن صوره..وانا من الناس اللي يجوني ضيوف كثير واحيانا اهل زوجي كلهم يجون يقعدون معي كم يوم وانا انحاس والله احط جسمي ع السرير وانا اون من التعب؟؟؟ واختي ام الشهود اللي تقولين كل هذا كسل..لا ياحبيبتي انا ابعد مااكون عن الكسل الحمدلله نشيطه وبيتي اقوم فيه بس زاد علي الشغل بعد بنتي وتعبت وحبيت ارتاح شوي فيها شي؟؟ مو مدح في نفسي والله بس انا تقريبا حركه طول اليوم من شغله لشغله احيانا حتى مااتهنى بالاكل خاصه اذا عندنا احد...يوم كنت حامل وبالثامن انظف بيتي من الى ولافكرت بالشغاله بس الحين الوضع اختلف

الله يعافيكم جميعا وان شاء الله اذا جاء النونو الثاني الشغاله جايه جايه مافيها كلام

اب

رفع

الصراحه انا ضد الشغاله في بيت فيه اطفال اخاف عليهم منها بس اذا للبيت مو غلط


ما ادري الصراحه اول كنت موظفه وكان البيت زي الفل الحين لاني جلست من غير شغل احس كل شي يتأجل سبحان الله


ما ادري بس الاحسن جيبي اللي بالساعه تنظف وخلاص