الله يشفي عيالكم يارب
انا اعرف وحده عمرها الحين 27 وفيها اعاقه سمعيه صادها وهي عمرها سنتين من اثر الصخونه الله لايراوينا مكروه في عيالنا ان شاء الله
كانت تسمع بالسماعه ولما تشيلها ماتسمع نهائي
وماشالله عليها تخرجت من الجامعه بامتياز وتزوجت وتنتظر بيبي :)

الله يعطيكم العافيه ويشفي بنتي وكل مريض
لي عوده ابكتب لكم معانتي مع بنتي الله يشيفيها ويخليلها

الله يشفي عيالكم وبنتي عندها تشوه

انا بنت عمتى عندها اعاقه سمعيه وهي والده بدري في الشهر السادس ومن اهمال اهلها زادت الاعاقه لانها كانت ما تتكلم والكل يقول عادي في اطفال ما يتكلمون المهم راحت وكشفت لقو عندها ضعف في السمع وركبو لها سماعات

انا ادري اني تاخرت عليكم بس سامحوني مقدرت ادخل النت الا اليوم
وراح اكتب لكم قصة بنتي:
من كان عمرها 6 شهور حسيت ان البنت ما تسمع لاني لما اناديها باسمها ما تنتبه وبعدين لما اشغل المكنسه وهي نايمه ماتصحى فقلت لزوجي احس ان بنتي ما تسمع قال هي توها صغيره شي طبيعي لكن انا ما ارتحت وقلت راح اسوي لها اختبارات فمره خليتها بالغرفه تلعب وخليت ظهرها لباب وطلعت وبعد شوي جيت وضربت الباب بيدي بقوة ولا انتبهت فقلت خلاص بعد هذا بنتي اكيد ماتسمع فصرت اسوي لها اختبارات مثلا اجيب صفيره واصفر عند اذنه ماتحس ولا تتحرك قلت لزوجي ودها للدكتور علشان نتطمن فودها وكشف عليه طبيب اطفال وقال ما عندها شي البنت سليمه بس انا ما ارتحت ودناها لمستشفى الملك عبدالعزيز الجامعي للدكتور سريع الدوسري وهو دكتور متخصص في هي شي ويعمل عملية زراعة القوقعه ايضا وسوى لها اختبار سمع وقال البنت ماتسمع والمشكله عندها بالاعصاب ومالكم الا تعملون لها عملية زراعة قوقعه باسرع وقت لان عمر من سنه الى سنتين يكتسب الطفل فيه اللغه ونوينا نعملها لها بالسعوديه بس ما كتب الله وراحنا لمريكا وان شاء الله راح نعملها لها باذن الله خلال هالشهرين والله يكتب لها ولجميع المرضى الشفاء العاجل..
فارجو من كل وحده تدخل وتقرا تدعي لبنتي ان الله يعافيه قبل العمليه..