southarea :

اشكر كل من شارك في هذا الموضوع لانه الصراحه موضوع وايد متعبني ومقهورة منه انا زوجي تزوج علي اعتقد وانا بعدني عروس وكان دايما يكلمني ويقولي انه يبا يتزوج طبعا انا كنت اطنشه ومرات اعترض على هالشي .. لكن فاجئني وقالي انا تراني معرس وعندي حرمتين غيرج طبعا .. كانت هاي صدمه حياتي ...وقالي انا ريال ((مزواج)) .. وانتي من النوع اللي يتعب وايد فشو تبيني اعرس عليج ولا اروح بالحرام .. طبعا انا كلش ولا الحرام ... فسكت ولا اعترضت .. بعدين قالي بعظمه لسانه ( لو شديت حيلج بال*** انا بطلقهن وانا ريال اريد في اليوم *** ) صدقوني اني ما قصرت معاه لا في لبس ولا في دلع وهدايا .. و*** كنت احاول ارضيه بشتى الطرق وعندي اخت في الله ساعدتني واعطتني نصايح انا سميتهن السحر الحلال لانه صدق خلاه ما يصبر عني ويرغب فيني ويحب يجلس عندي اكثر ... الحمدلله طلق واحده منهن وبقت وحده وقالي انا مااقدر اخليها لانها طيبه ( هي من جنسيه عربيه معروفه بانتشار العهر والعياذ بالله , وهن منتشرات في دول الخليج بكثرة الله لا يزيدهن) .... طبعا الشيخه اثبتت وجوده بانها حملت منه (وزوجي العزيز اكد لي بان الخلفه بس لي وهي لا) طبعا هذا الشي مكتوب ومع اني احس بالغصه لكن ماحبيت اني احرمها من العيال ..لكن زوجي العزيز .. لاحظته وهو طبعا مايلاحظ هالشي انه يميل لولدها اكثر بحكم انه وحيد طبعا في العيد يابه في البيت .. وفره علي ... اول مره احس بـأهانه .. العيون كلها كانت علي الناس تريد تشوف شو ردت فعلي ... وطبعا الخدم اولهم ...:44: .. قامت الناس تتكلم مش فيني بس حتى بالحريم اللي اتزوجوا عليهن .. طبعا انا ما كنت اشاركهم بالكلام ... لاني احس بالاحراج كاني لاسمح الله مرتكبه جريمه وساكته ..مادري ليش .. بس الله يسامحه .... ومرت الايام وذكرت ريلي قالي لما يكمل الولد السنه بطلقها.. وكمل الولد السنه .. وبعدين قالي ان طلاق مابا اطلق .. ليش؟؟ ماادري :mad: .... ( ياريال انت وعدتني وانا مستعده اشل الولد واربيه ) مارضى ... طبعا اكيد بنت اللذين مسوتله سوا(عمل) لانه سكنها في فله اجار ووفرلها خدامه و سياره و لها كامل الحريه انها تطلع اي مكان .. انا ساكنه عند اهله ... هالايام يقولي بسكنج في فله اجار ..لا مش فله شقه ... :mad2: من ناحيه العدل هو يعدل احيانا.. ومرات احس انه يفضل يبات عندها ( يوم عندي ويوم عندها) واذا صادف بات عندها يومين .. اطلب منه انه يعوضلي هاليوم يقولي ليش ؟؟ باشوف ... ولا اشوفه .... يومي هذا باشوفه في الاخره ان شالله ... احس ان زواجي مبني على الكذب والخداع .... وانا على نياتي كنت اثق فيه ... بس الحين مستحيل .. بس صدقوني بعدني اطبق نصايح صديقتي (السحر الحلال) لعل وعسى .... ادري ان البعض بيقولي اصبري والزوجه الثانيه شر لابد منه عشان الحلال ... والزوج يحقله يعدد ...والزوجه الثانيه مسكينه عندها ظروف ..... الخ الخ .. كله كلام عشان الدفاع عن الضره صادقوني اذا حاولت انفصل عن زوجي مابستفيد وعيالي بيخسرون ابوهم ..ماحد بيستفيد كثر الحرمه الثانيه (بيت وزوج ومش مهم عندها اذا كان موجود ولا مش موجود ... فلوس اكل طلعات صالونات مولات نوادي انا اتكلم عن بنت اللذين اللي ماخذنها ريلي ... والوحده جانها تبا الستر بتكون مستوره وهي في بيت ابوها..(وهذا رايي انا) وجانها تبا العرس بتحصله وهي في بلادها والرزق مش بس في بلادنا ..... بس انا عن نفسي اعيش كل يوم في حاله نفسيه , خبرتوا حرمه تنام هي وعيالهافي صاله اذا كان زوجها عند الحرمه الثانيه؟؟؟ هذي انا ليش ؟.. لاني لما انام بالغرفه افكر كيف عايش معاها وكيف ينام معاها ...واقعد أألف قصص خياليه عنها ... حاولت اني اشيلها من راسي واقرا قران واشغل نفسي في اشيا ثانيه ....صدقوني ما قدرت الحين اتعودت انام في الصاله انام وانا اطالع التلفزيون ... :44: اقول حق كل وحده ريلها متزوج عليها اصبري واصبري واصبري ....... الله ما ينسى عباده الصابرين

اشكر كل من شارك في هذا الموضوع لانه الصراحه موضوع وايد متعبني ومقهورة منه انا زوجي تزوج علي...

كلمة طيبة :

الدنيا ماتستاهل كل هذا الحزن والقهر من يبغى يتزوج الثانية ... مع السلامة وخلي فوق راسه بيتين لا تتركي له المجال خليك مع العيال ... وقوليله هات المال .. وورني عرض أكتافك

الدنيا ماتستاهل كل هذا الحزن والقهر من يبغى يتزوج الثانية ... مع السلامة وخلي فوق راسه بيتين...