اللي عندها غسالة دايو 13كيلو كيف يطلع غسيلك ميه ميه ولا شرقان ؟؟؟؟

السلام عليكم ورحمة الله وبركاته

صباح النور حوائيات

غسالتي دايو 13كيلو

هي مريحه ماشاء الله وتاخذ البطاطين ومريحتني من هذي الناحية

لكن انا صراحة في غسالتي العاديه كنت اغسل الابيض غسلتين ويطلع يلق
والملون كمان
اول غسله عشان الاوساخ وثاني غسله ترووق الغسيل ويجي ريحه الصابون فيه ممممم

الحين دايو مريحه من ناحية مافي مقابله للغسيل بس كأنه الغسيل يطلع شرقان مو ذيك النظافه اللي تبرد القلب

حطيت على برنامج البقع الثقيله لانه يسوي غسلتين بس تطلع الملابس البيضا خصوصا فيها بقع صغيره
ممكن اغمض عليها بس ودي تكون ميه ميه
برنامج الغسيل الابيض احسه يقطع الثياب فمااستعملته الا مره وحده ولاهو عاجبني

ملابس المدرسه للصغار احطها على الدوره السريعه 32دقيقه لانها غسيل يومي متكرر وتطلع يعني مشي حالك مو ميه ميه

اللي يستخدمون النقع ياترى كيف استخدامه
هل احط الصابون من البداية بمكان الصابون اذا اخترت نقع؟ولا انتظر لين يجي كلمة غسل ؟

وكم تحطون مقدار صابون بالغساله ؟؟؟ يمكن انا اقلل الصابون عشان كذا ماتنظف الاشيا :16:

يعني قولوا لي بالكاسه العادية كم مقدار الصابون سواء بالغسيل العادي او غسيل البقع الثقيله اللي فيه الغسيل القبلي

ملابسي مرتاحه عليها مع الغساله لكن المشكلة ملابس الصغار ماتروح بقعها ميه ميه وهذا الشي يكدرني
وان كان ابقعد كل بقعه اعالجها قبل الغسل عز الله ماخلصنا