اللي عندها فرن كهربائي سراميك تتفضل

انا عندي فرن سيراميك أخذته من اكسترا مره حلو و تنظيفه سهل بس يبغا له عناية ماتنسحب القدور عليه و ماتشغلينه وهوا وسخ
الفرن من جوا مايشغل الشعله اللي فوق واللي تحت سوا
شركته Frigidaire

حقي سيراميك تقريبا له عندي ماشاء الله 8 سنوات وشوي

جدا ممتاز ويبيله عنايه مثله مثل اي جهاز كهربائي

تنظيفه سهل جدا

ولازم تنتبهي لنقطتيه مهمه ماترمين شي قوي عليه عشان لا ينكسر و لمن تسوين الشيره انتبهي لا تنكب عليه وهي حاره لانه ينشطب بعد من حرارتها

لاكن لو الطبخ انكب عليه وهو حار عادي مايضر هي الشيره فقط الي تعدمه او اي شي فيه سكر كثييييير

نسيت اقولك افضل شي ايطااااالي لا تاخذين امريكي

بعد اذن صاحبه الموضوع
هل الفرن عملي وينجز لو جوك ضيوف مستعجلين
وهل ينفع للي ضيوفها كثيرين
هل فيه نوعيه معينه من القدور تستخدمونها عليه
تسبيك الكهرب كيف
مبدئيا ناويه عليه بس الكل خوفني منه وسبكت له كهرب سلك 6 ملم بس خايفه يجي ضعيف واندم
لاني حقت عزايم وضيوف كثيرين
ياليت اللي عندها معلومه تفيدني

والله اللي اعرفه ما ينفع لراعية العزايم اخت زوجي حاطه نص الفرن حراري ونصه عيون حبيت فكرتها وحسيتها عمليه وناويه في بيتي اسوي مثلها بإذن الله