اللي عندها فكرة لاتبخل علي الله يوفقكم

السلام عليكم ورحمة الله وبركاته,,,,
في البداية صراحة هذا أول موضوع لي في هذا المنتدى أكتبه..لأني لقيت ناس عندهم آراء حلوة ويفيدوني إن شاء الله,,
أنا طبعا طلعت عن الثلاثين وماتزوجت والحمد لله أنا راضية بقضاء الله وقدره ومستانسة ومبسوطة ولله الحمد..
ولي صديقة قريبة جدا مني وأحبها وتحبني وأرتاح لها لأن طبيعتنا وحدة وأفكارنا جدا متقاربة, وعندها أخو ماتزوج وهي منهبلة علي ولمحت لي في البداية كم مرة لكن بصراحة أنا ماعطيتها وجه وكنت ما اقتنعت فيه راحوا واخطبوا له وحده وتزوج وما توفق معاها طلقها علطول ورجعت تقول لي وأنا لازلت مصره على رأيي,,
بعد كذا سبحان الله تغير رأيي واقتنعت فيه وحسيت إنه هو نصيبي ولما سألتني مرة فهمتها إني اقتنعت فيه ولو تقدم لي راح أقبله وأوافق... فرحت هي بقوة..وإلى الآن ما بعد تقدم وهالكلام كان قبل ثلاث سنوات, وأنا عارفة إنها ملزمة ماتبي غيري. وماعاق الموضوع إلا إنه يحاول ينتقل للرياض وما قدر لأنه بعيد عن أهله ويقول ما أبي أتزوج إلين أستقر عندكم.
وأنا ماعندي مانع لو كنت بعيده عن أهلي وأهله لأنه إن شاء الله يتيسر أمر نقله وننقل جميع,
وودي أقول لزميلتي كاقتراح إخطبوا له ويسكن في شقة مفروشة مؤقت مو لازم يستاجر بيت ويأثثه لكن مستحية أقول لها لأني بصراحة أنا أستحي من هالموضوع بشكل.
حتى إني ما أسألها أبدا وما أقدر أصرح أو أسألها عن أخوها وكأن الموضوع ما يعنيني أبدا, يعني لو بقول لها ماراح أقول أنا ماعندي مانع أسكن شقة أو أكون بعيده لا أنا ودي أقول لها طبعا لما يحل مجال وتتكلم هي عنه ليش ما تخطبون له وكذا...
أبي منكم طريقة أو أسلوب أفهمها إني ماعندي مانع..
ما أدري أحس أسلوبي ركيك جدا يمكن لأني ماتعودت أكتب موضوع:p
دعوااااااااااااااااتكم الله يبارك فيكم.