اللي عندها فكره عن التقوس في عظام الأطفال ياليت تدخل

السلام عليكم ورحمة الله وبركاته
عندي مسأله مقلقتني ومحيرتني كثير وحبيت اعرضها لذوي الخبره واللي مروا بنفس تجربتي
من العضوات الكريمات
المشكله في بنتي وهي ان عندها تقوس في ساقيها من يوم ماكان عمرها سنه و3 شهور ولأنها نحيفه صاير مره باين
وعرضتها على طبيب عظام متميز في الرياض وقال ان عندها نقص في فيتامين( د) بسبب عدم تعريضها للشمس ولا زم تعرضينها لشمس الصباح او العصر لمدة ربع ساعه يومياً وتعطينها فيتامين (د) 5 نقاط في اليوم مع الرضعه وخلال سنه راح يتحسن شكل ساقيها مع نمو العظام

وانا ما اجهل فايدة الشمس ولا انكرها بس اشوف عيال اخواتي ما يتعرضون للشمس ولا فيهم شي ما شاء الله
وانا صار لي الحين 7 شهور مع الفيتامين ولا فيه اي تحسن في ساقيها لا تقولون توها باقيلها 5شهور وتكمل سنه لأني وديتها طبيبة اطفال وقالت لأنها ماشيه بدري (11شهر) بس احس كلامها مو مقنع لأن كثير من قرايبي يمشون من الشهر 10 ولا فيهم شي
وخفت لاسمح الله يصير كساح بس الحمد لله ماطلع زي ماتوقعت
والحين عمرها سنه و10شهور وودي اوديها لدكتور ممتاز والحكومي لازم تحويل وواسطه وما ادري ايش
بس ياليت اللي عندها معلومه ما تبخلبها علي وشاكره لها مقدماً:26: