اللي عندها في عيالها صعوبات تعلم و تشتت

السلام عليكم و رحمه الله و بركاته كيفكم يا بنات حواء
اخباركم
بنات الله يسعدكم وحدة من قريباتي بنتها عندها تشتت انتباه و صعوبات تعلم
امها عرفت من قبل تدخل المدرسة
لان اختها اللي قبلها ما شاء الله ذكية و الثانية ما تستوعب مسكينة الله يشفيها و يعافيها
كانت تسألها أسئلة بسيطة عن الحيوانات و الالوان و لا تعرف الا اجابات محدودة و الوان معينة
سوت لها اشعة و تحاليل كثير و الحمدلله سليمة
لكن يقولوا عقلها اصغر من سنها
مثلا عمرها عشر سنوات و عقلها عقل بنت عمر ست سنوات طبعا ما اقصد البنت لكن هذا مثل
انا ما اعرف عقلها اصغر من سنها زي سن مين ؟ لان ما حبيت اجرح امها و ازيد همها
بس البنت الان ما شاء الله كبرت و بلغت تقول أمها كنت متخوفة من هذي المرحلة
لكن قلتلها البنت عاقلة مو مجنونة لا تحسسينها بنقص ابداااا
لكن لكل وحدة قدرات
و فعلا ما شاء الله هدأت البنت لما كبرت و تعتمد على نفسها تغسل ملابسها و نظيفة ما شاء الله عمرها الان ثلاث عشر سنة و الله يحفظها و يعافيها
لما كانت صغيرة تعطيها دواء صرفه لها الدكتور ما كان يوجد بالسعودية كانت تجيبه من دولة مجاورة
لكن بريئة جداااا
اذا احد جاء البيت تروح تشوف الباب و امها تقول لا تروحين رجال
تقول شمعنى اختي
عرفت انها لسه تتعالج
لاني ما أسألها ابدا الا اذا حبت امها تتكلم
لان الموضوع حساس
تخيلوا حتى عبايتها ما تعرف تسويها زين و نقابها تلبسها و بعدين امها تزبطها لها
بنحضر مثلا اكل تجلس و تاكل و الباقي يستنون نجتمع و تقول لها انها بينها و بين بنتها و انا اسوي نفسي مشغولة
تصرفات طفلة حبيبتي
تقول لا تاكلين حتى نجتمع كلنا
و الصغار يلعبون لعبة بالجوال تقرأين كلمات و تشرحينها ما تعرف زي باقي اخواتها
هي تعرف و تقرأ و تتهجى لكن مو زي البقية
ما تتخيلون كيف تأثرت احسبها تحسنت لما كبرت و دخلت المتوسط
بعدين امها قالت هي صف سادس بس اقول متوسط للناس عشان ما يسألون و ما تحس بالفرق بين البنات اللي بسنها
طبعا ما كنت ادري بوضعها الا لما جلست معاها
و كانت و هي صغيرة فيها عناد و ما تخاف شجاعة
مين عندها ولد او بنت عنده صعوبات تعلم و تشتت و تحسن؟ او وش سوت له و كيف تعامل المجتمع مع الموضوع ؟
امها ما شاء الله و الله مهتمه جداااا و تراجع عند دكتور بس زي ما قلتلكم ما احب اسالها الا لو هي حابه تتكلم مهما كان أم و بتشيل هم بنتها
كانت بمدرسة قالت لها المعلمة بنتك عندها صعوبات تعلم خليها مستمعه و بس تخيلوا؟
بعدين نقلتها لمدرسة حكومية بس فيها معلمات صعوبات تعلم و مشت البنت ما شاء الله
دعواتكم لها و الله يشفي جميع المرضى