اهلين اختي انا طول عمري وانا اربي بسس

هم صحيح يبيلهم عناية ورعاية
من ناحية الأكل افضل شي توفرين لهم الأكل الجاف وبعد تعودينها تاكل من اكل البيت وحاولي كل فترة تغيرين الماركه حقت الأكل الجاف ليش ؟؟ عشان هنا طبعا كل فتره السوبر ماركت يجيب اكل معين بعدين يقطعه كم شهر ويجيب نوع ثاني فاذا عودتيها تتقبل اي نوع ماراح تتعبين معها ونصيحتي تبتعدين عن الأكل اللي يباع معلب زي التونه ريحه شينه + دايم يسبب لهم امراض
يعني اكل بيت + الأكل الجاف ..


ثانيا من ناحية النظافه ..
ماتستخدمين لهم اي شامبوو لازم شامبو خاص او بعد انا استخدم شامبو جونسون للأطفال مرره حلو لهم اذا كن عندها شعر لاازم بودره اما خاصه بالقطط او بودره جونسون بدون اي رائحه ..
مشط خاص طبعاً وقصاصة اضافر الخاصه بالقطط ..

من ناحية الرعاية بالبداية شي طبيعي اول ماتجيبين بسه بتقعد تدور بالبيت وتصيح بدون سبب وهذا لأنها مو متعوده عالمكان بس بعد اسبوع بالكثيير بتصير متأقلمه معاكم وتحبكم ^^

من ناحية الحساسية فيه فصائل يكون شعرها خفيف مو كثير يسمونها ال بريتش شورت هير وبصراحه هذولي الفصائل المفضله عندي ^^









وعلى فكره هذولي الفصائل يتميزون بخفة الدم واللعب بعكس الفصيلة الفارسية او الشيرازية تلعب وهي صغيره واذا كبرت بس نوم واكل ونوم خخخخخخ


اتمنى افدتك اختي وابيك بس تدعين لي ربي يحقق لي اللي ببالي ^^
وعلى فكره اذا تبين معلومات زياده عنهم عندي موقع متخصص بالقطط والحيوانات راح تعرفين كل شي عن الفصائل بس راسليني عالخاص لأن هنا ممنوع احطه ^^

MISS LOST
ياهلا نورتي وافدتي الله يحقق لك اللي ببالك
تصدقين كنت ناويه اشتري الفارسي او التركي عشان حكاية الشعر الكثيف بس ردك غير لي رأي صوراللي حطيتيهم خطيره وفعلا القطط هذي شكلها لعوب ودمها خفيف
الله يسعدك انتي وردك الحلو

دستي عالجرح!!
انا امووت في الحيوانات عامه وفي البسس خاصه
كان عندي بسه امريكيه بيضاء
وحملت وانا اللي ولدتها وجابت خمسه يجننون
وكبرو لين صار عمرهم شهرين تقريبا
كانو مرة اليفين
بس الام لحالها مرة اليفه لو ذبحتيها ماقالت شي
بس للاسف انا بيتي شقه صغيرة
وماعندي حوش ماعندي الابلكونه صغيرة
وصارت مصاريفهم كثير لانهم ماكانوا ياكلون الا معلب
ويبيلهم تراب خاص وهم صارو ا سته ماشاء الله
وصارت البلكونه ضيقه عليهم وصعب اخليهم في الحر برا
وصار صعب احتفظ فيهم خاصه ان وحدة قالت لي ان البسس تسبب الاجهاض
واناقاعده ادور الحمل دوارة
فأضطريت اني ابيعهم لوحدة من بنات المنتدى
لاني ماابي ابيعهم على محلات الحيوانات لانهم بيفرقونهم
فكان يوم بعتهم من اصعب ايام حياتي
خاصه انه ماعندي عيال
صار البيت فاضي وكئيب
حبيتهم وتعودت عليهم
فكان اسؤا قرار اتخذته اني جبت هالبسه لبيتي من الاساس
صدقيني راح يتعذب ولدك لو تعلق فيها واضطريتوا تبعدونها
او صار لها شي
وغير كذا قريت ان الاطفال اللي يعيشون في بيت فيه حيوانات اكثر عرضه للربو الحساسيه اكثر من غيرهم

نصيحتي
لاتجيبيها
صدقيني راح تتألمون مرة لو فقدتوها
تمنيت انا اني مايوم عرفت هالبسه ولاشفتها
يارب تكون مرتاحه هي وعيالها عند الناس اللي هي عندهم
اذا تبين توفرين على نفس الم محتمل في المستقبل اسمعي نصيحتي
وجيبيله اي شي ثاني


بالتوفيق يارب

الفجر الاخير
هلا عيوني نورتينا
اسأل الله العلي العظيم يرزقك الذريه الصالحة المعافاة
والله بالنسبه للحمل حالتي زيك ادور له دواره بس اظن اذا كانت خاليه من الامراض ان شاء الله ما تأثر
ثانيا ولدي حاس بالوحده والملل في البيت وابغى اجيب له شي يسوي له اكشن ويسليه

الله يهديك ياأريج المسك بلا أكشن بلا كلام
فيه ألف شغله وشغله تبسط الأولاد
بعدين تقولين عندك حساسيه الله يشفيك
فليه وجع الرأس ..أبسطي ولدك بأي حاجه
الصغار بسرعه يفرحون بأبسط شيء
وبعدين يقولون الحكايه فيها عاطفه وتعلق بلاشي
تعب القلب ..فكري زين الله يصلحك..