اللي عندها كتاكيت سنه وشهر شهرين تدخل

أشكرك يأختي حورية نجد على الموضوع الرائع:26: وبصراحة حنا محتاجين لمثل هالمواضيع حتى نستفيد وخصوصا إذا كان هذا أول بيبي يصير حقل تجارب الله لا يراويك:22: وبالنسبة لي ولدي عمره سنة وشهر وأعطيه حليب الصافي والمراعي لانه بعد ماكمل سنة رفض الحليب رفضا تام:eek: وأعطيه عصائر ومغلي الحلبه مع تمر وزبادي ورز وفواكه ودقيق مع ماء أغليه على نار وأضع معه حبة ماجي وأحركك فيه لما يصير ثخين زي الشوربه وهو مغذي وكويس وأحيانا سيريلاك بس بصراحة مايأكل إلا أنا:09: هلكانة منه والبيض نفس حالتك يكرهه بشكل حاولت بكل الطرق بس مافي فايدة والله يعيننا على هالصغار ويصلحهم ويهديهم أممممممممممممممممممممين.
ودمتيييييييييييييييييييييييييييييييييييييي:26: :26: :26:

اهلين اختي انا ولدي سنه وكم يوم
وبصراحه نادر ماسوي له حاجه يعني احيان اجتهد واحيان على حطه يدك
وكنت اسلق له خضار بطاطس وكوسا وجزر واهرسهم له
وكذلك ينصح باعطاءه رز مصري مسلوق
وعطيه زبادي اذا كان عمره اكثر من سنه اقل من سنه ممنوع لان معدته ماتتحمل
وكذلك صفار البيض
واعطيه من الرز اللي حنا بناكله عادي حاله حالنا يعني من سته شهور
مهلبيه و نشاء عادي
وانا الحين اعطيه تقريبا كل شي ماعدا السمك واللحم اخاف عليه لسى ماتعود
اتمنى اكون افدتك
وبالتوفيق

انا ولدي عمره سنه وشهرين يحب الجريش والسليق مره وياكل من اكلنا خلاص احسه كبر على الخضار المسلوقه والمهروسه ويحب الشوربات وياكل البيض وساندويش الجبن يعني زي اكل الكبار

السلام عليكم أخواتي..

الله يحفظ عيالنا وعيالكم أجمعين يا رب..

ابني من فترة وهو مجنني بالأكل عشان كذا صرت أطبخله وأنوعله لأنه ما عاد ياكل أكل الأطفال نهائياً

هو الآن سنة و3 أشهر..

من عمر 10 شهور وأنا أسويله الخضار المسلوقة على البخار وأحطله فيها شوية ملح ومعاها صرت أخلطله الرز المصري من لما طلع أسنان عشان يتعود على المضغ..

وأحيانا أطبخله شوفان مع الخضار.. وجبة لذيذة مرة..أحيانا نزودها وناكل معاه منها..
وهي وجبة غنية جدا بالألياف والفيتامينات..

مكوناتها:
بصلة صغيرة مفرومة ناعم.
جزرة مبشورة.
كوساية مفرومة ناعم.
حبة بطاطس صغيرة مفرومة ناعمة.
ويمكنك إضافة أي خضار أخرى بشرط تكون مغسولة جيدا ومفرومة ناعمة..
و3 ملاعق شوفان..

الطريقة:
تذبل البصلة بشوية زيت (زيت دوار الشمس صحي جدا وغالبا ما يستخدم في أكل الأطفال المعلب)
نضيف إليها الخضار المفرومة ونحرك قليلا حتى تذبل قليلا ونضيف الشوفان ونحركه جيدا ثم أضيفي
كوبين ونصف ماء مغلي ويمكن إضافة الماجي أو الملح حسب الرغبة..

اتركيها حتى تنضج وهي مغطاة حتى لا تفقد الخضار فيتامين C لأنه يتبخر مع البخار المتصاعد
ويمكنك التحكم بكثافة الوجبة بتقليل أو إضافة الماء ..

وصحتين وعافية على قلب أطفالكم ..

وعندي وصفات أخرى بزوركم في الموضوع وبشوف ردودكم عيالكم حبوها ولا لأ..!
واللي عندها وصفات أخرى لا تبخل علينا..