السلام وعليكم ورحمة الله وبركاته
صباحكم ومساكم ورد
بنات قدر الله علي وشريت مجفف قبل كم يوم (وترى كله من مدحكم )زنيت على:arb:الى ان شريته بس كني تحسفت يوم شريته مع اني مابعد استخدمته الى الحين:35:بس ماادري كذا شكله يروع واحس اني موب عارفه له شريت ميتاج الموديل الجديد اللي معه رف واحترت بصراحه بينه وبين ويربول بس بعد لفه في عالم حواء وفي المحلات استقريت على ميتاج لأنهم تقريبا نفس الجوده والصناعه بس الفرق ان ميتاج يحتاج خط 220 وبس والثاني 220+110 وغير كذا اكثر المحلات قالوا لنا ان ميتاج قطع غياره متوفره اكثر فتوكلنا على الله واخذته بس يوم ركبته احس اني مافهمت له وعندي بعض الاسئله ياليت تساعدوني فيها لأني لو مااستخدمته اكيد كل صحون المطبخ :angry:على راسي من كثر مازنيت ابيه وابيه .
1- كم تستغرق مدة الملابس علشان تنشف (القطن-البوال زي الملابس الرجاليه الداخليه-الجنيز-الفوط)ياليت كل قماش وكم يحتاج من الوقت بالتقريب يعني.
2-زر منع التجاعيد وش سالفته ؟؟يعني اذا تنشفت الملابس خلاص اضغط عليه او لا؟
3-المخمل والصوف هل ينفع مع المجفف او لا ؟
4-اي انواع الملابس اللي تكمش مع المجفف وماينفع اجففها فيه؟
كيف طريقة منظف النساله هو زي الدرج ينسحب بس كيف انظفه امسحه بفوطه رطبه او ايش؟
الله يسعدها اللي تجاوب علي ويخليلها زوجها وعيالها ويكونوا قرة عين لها في الدنيا والآخره يارب آآآآآآآسفه على الاطاله بس تعرفون صاحب الحاجه ارعن زي مايقولوا.
مطبخ الملحق @mtbkh_almlhk
كبيرة محررات
اللي عندها مجفف ميتاج او اي نشاف ملابس تدخل ياجعل زوجها ماياخذ غيرها يارب
29
81K
يلزم عليك تسجيل الدخول أولًا لكتابة تعليق.
انامل ناعمه وفله ورديه الله يرفع قدركم عندرب العالمين ثم عند ازواجكم ومايشوفون غيركم يارب
عندي نشاف ويا زينه بس ما فيه كل هالكلام هما زرين مؤقت وزر تشغيل اخط خلاقيني انا وبنتي وابوها وافره على الاخر تطلع رووعة طبقي وعلى الدولاب وانسي الكوي
الصفحة الأخيرة
ماعندي نشاف ولااعرف له ياقلبي انا
بس برفع لك موضوعك عيوني
وبالعكس ليه ضاق صدرك منه !!
توك ماشفتي خيره من شره