اللي عندها مشغل في جده اوتفهم شي عن المشاغل تدخل عسى الله يسلمها

هلا اختي سحايب .. بالنسبة للمشغل لازم شهادة خياطة لاجل تحصلين على التصريح :(

وبالنسبة للديكور لابد يكون شي جذاب ومميز بحكم ان المحل جديد .
وبالنسبة للعاملات امرهم بسيط .
ولازم من حملة دعائية كبيرة بالذات لك لانك من سكان جده وانتي تعرفين ان المشاغل فجده كثر شعر الرأس يعني لام شي مميز اختي وعاية قوية يقابلها شغل زين .

وعسى الله يرزقك من اوسع ابوابه

اهلين اخت سحايب حب . .

عسى الله يوفقك بمشروعك

عندي شوي نصايح يا رب تفيدك :
1- بالنسبه للميزانيه اللي انت حاطتها للمشغل , ديري بالك انه بعد ما تفتحينه بحوالي سته شهور بتمشين
رواتب العاملات منها .

2-الديكور مهم جداً خاصتاً بجده , لكن اهم شي يكون يدل على النظافة و الخصوصيه . يعني الفناتك في الديكورات خليها بعدين .

3- مو شرط تكونين ماخذة دورة خياطة , لكن مهم تكونين تفهمين في الخياطة والتجميل عشان لا يقصون عليك العاملات .

4-انت نموذج للمشغل واعتقد خير مثال هي زاكي عبود , بكشختها واناقتها مقنعه الناس بشغلها .

5-العاملات الجدد احسن في الرواتب وانت اوقفي على ايدهم الين يتعلمون .

6- الفلبينيات و الاندنوسيات في الخياطة توب والناس تثق فيهم . وممكن تجيبين فلبينيه تاخذ المقاسات وتقابل الزباين
و هنديه او اندنوسيه تخيط , كبداية يعني .

7-التوانسه افضل الكوافيرات . وانا اكلمك عن تجربه والله لو تجيبين تونسيه وحدة و فلبينيه وحده كبدايه يكفي بالراحه. يعني يصير مجموع عاملاتك 4 كبدايه .

8- احذري ثم احذري اللاجانب اللي في البلد لانهم يصعدون على اكتافك . ممكن تقبل براتب الف او الف ونص
وتفرحين انت انها قبلت براتب معقول وتسرق لك كككككككككل الزباين , والله للاسف توزع رقمها عليهم لا وبعد ما تتركك تقولهم انا تركتها لانها انسانه فضيعه تسوي وتسوي ..........الخ , ترى هذي النزيهه فيهم
والله يا أختي ان هذا الواقع . لكن لو تكون انت مستقدمتها واتعبتك سفريها واشتري راحت بالك .

هذا تقريباً اللي اذكره والله يوفقك انت وجميع الاخوات .. وإذا فيه اي استفسار انا جاهزه ولا تنسيني من دعواتك ..

الف شكر لكم جميعا وجعلها الله في موازين اعمالكم