السلم عليكم ورحمة الله وبركاته
انا أعاني من نفس المشكله لكن ماهي بصفه يوميه ولدي عمر 4سنوات واحيانا يبلل فراشة يعني مو كل يوم يعني على حسب إذا كان شارب عصير او كاس حليب قبل النوم مباشرة اكون متوقعه انه راح يعملها عشان كذا اخده للحمام قبل الفجر او احيانا في نص الليل. واحيانا انام والقاه عاملها. لكن صراحة ماعرضته على الطبيب لانه باقي صغير وغير كذا مش كل يوم يعني مع الايام راح يبداء يتحكم بالتبول لكن إذا شفته طول السالفة راح اعرضه على الطبيب اكيد
بنت صديقتي عندها نفس المشكله بس بنتها كبيرة عمرها9سنوات ولمن كشف عليها الطبيب وعملها تحليل واشعه قال انه عندها تمدد في العضله القابضة المسئوله عن تدفق البول واللي تخلي الشخص يتحكم بنفسة واعطاها بعض الادوية وكمان بعض التمارين معينه تعملها عشان تقوي هذي العضلة ومشاء الله المشكلة انتهت هذا إذا كانت المشكلة عضوية ممكن تكون المشكلة نفسية بسبب الخوف مثلا.
والله يشفيه ويخليه لك يارب

النفسيه اهم شىء لاتهاوشينه اذا بلل فراشه لأنه غصباً عنه مسكين
وخليكِ حنونه وان شاء الله يتعدل

هذي الوصفة أخذتها من المنتدى من فترة ومحملتها على جهازي بس ماإستخدمتها وحبيت أفيدكم بها وأسألوا قبل ما تجربونها
الوصفه هي00000
زيت حبة البركه.. قشر بيض..كوب حليب
الطريقه000000
1/ يغسل القشر وينظف ويحمس في مقلاة على النار ثم يطحن ناعم
2/ كوب حليب (حطي فيه نص ملعقه صغيره زيت حبة البركه ونص ملعقه قشر بيض محموس وناعم )
3/ يشرب كل يوم الصباح على الريق وبعدها يفطر عادي لمدة اسبوع
ومن ثالث يوم راح تبان النتيجه
وإن شاء الله تنفع معاكـــــــــم