عذبة البسمة

عذبة البسمة @aathb_albsm

محررة برونزية

:::اللي عندها مشكله في تعويد طفلها للحمام تدخل:::

الأمومة والطفل

السلام عليكم ورحمة الله وبركاته
صباح /مساء الخير

انا متأكده ان اصعب مافي تربية الطفل هو تعليمه لدخول الحمام لانه كابوس للأم وللطفل معاً
وبطرح عليكم تجربتي اللي استنتجتها طبيعيا وقرأت كمان واستفدت :

1- كل طفل وله قدراته شوفوني حطيت عند قدرات خط , بقولكم عن اولادي طبعاً عندي 3 اولاد اسأل الله ان يخليهم لي الكبير كان ذكي وعطول يفهم لما يعمل اي شيء في حفاضته وبسرعة تعلم الحمام بعمرسنتين و3 شهور..اللي بعده اذكى منه تخيلو والله اذكى منه حتى انه يرسم رسمات وصور ومع ذلك مو عارف لأيش الحمام وتوه اللحين من اسبوعين شلع الحفاضه تخيلوا وعمره 3 سنوات وست شهور (بعمري عنك يا ولدي صارت فضيحتك بجلاجل) .. المهم عمليه دخول الحمام قدرات مكتسبة .. يعني لا تضغطين على طفلك عشان صار كبير أو عشان ولد فلان ولا بنت علان أو حتى اخوه اللي اكبر تعلم الحمام بدري..


2- التشجيع ثم التشجيع ثم التشجيع والله يا بنات ان مفعوله سحري يصيرون يروحون الحمام بدون ما تحسين حتى يعني لما يطلب الحمام عطيه بوسه او ضميه ومن عبارات المديح (انت بطل - يا رجال - يا بن تن يا أي شيء تحسي طفلك يحب يسمعه )


3- بالنسبة لولدي الكبير كان يروح ويدخل مع الحمام لما انا كنت ابغى الحمام وكنت اتوضأ على الكرسي العربي كنت ابغاه يشوفني لأيش اصلا حنا نرح الحمام وكان هو كما يسوي مثلي ويجلس على البلاط وبحفاضته ويغبى يقلدني ..

4- طبعاً سالفة تعويد الحمام سهله اذا هي مجرد بول أكرمكم الله لان على كل أم أن تشيك على طفلها كل ساعتين وتوديه حمام سواء اراد الطفل أو لأ ( انا كنت اقول لاولادي يلا اللحين حمام عشان تسوي واذكر الاسم المتعارف عليه بيننا عشان يعرف لأيش هو رايح الحمام)... لكن المصيه العملية الكبيرة اللي اكبر من البول الله يكرمكم صعب التحكم فيها لأن اكثر الاطفال لما يعملوها يعملوها وهو مدسوسين وما نشوفهم ... فهذي يبغالك شوي تعب ومراقبة لحركات طفلك لانك تعرفية اصلا اذا هو يبي يعملها ..ويا حضها اللي معاها شقة صغيرة لان اطفالها قدامها والله يعين الله بيتها كبير مثل حكايتي ما ادري الا وهو عاملها ع نفسه في الدور الثاني او الحوش ...


5- قبل وقت النوم بساعتين لا يشرب الطفل أي شيء غير كوب حليب وقبل ان يخلد للفراش يذهب للحمام وانا كنت اذا اولادي كثروا في المشروبات قبل النوم كنت اقومهم من النوم مرتين على الاقل ويروحون الحمام (يا حياتي عليهم يروحون وهم نايمين ومادروا عن شيء).


6- اهم نقطه لا توبخينه على تبوله على نفسه سواء كان صاحي أو كان نايم لأن اكثر الاطفال في وقت تعلم الحمام لما تكون فيه جمعه اطفال او يكون الطفل مشغول بحاجه ينسى من نفسه ويعملها على روحه فلا تعاقبيه ابد لانه حتى هو ما يبغى بالدليل انه يجي عندك ويوريك ان هذا الشيء صار ويبغاك تبدلين ملابسه وكمان في وقت النوم لا توبخيه ولا تخافين اذا بال على نفسه وصحى وجاك يبكي هذا شيء عادي لكن المصيبة اللي يبول وهو غاااااااااااط في سابع نومه ولا يدري الا لمن يصحى في الصباح هذا عنده التبول الا إرادي ..(طبعاً هذا كلام الدكتورة لي وهذا الكلام يطبق على اللي اعمارهم فوق الأربع سنوات)


وفي النهاية احب اكرر ان عمليه دخول الحمام قدرااااااااااااااااااات مكتسبة فلا تقسوا على اطفالكم
10
8K

يلزم عليك تسجيل الدخول أولًا لكتابة تعليق.

تسجيل دخول

مجاهدة نفسها
مجاهدة نفسها
الله يعطيك العافية ...
بس بسالك طفلي عمره الان 2 سنه وشهرين احيان يقول لي اذا وسخ طبعا اذا تبرز في الحفاظة واحيان لا
واستيعابه حلو يعني يفهمني مادري كيف اعوده على على انه يترك الحفاظ
عذبة البسمة
عذبة البسمة
الله يعطيك العافية ... بس بسالك طفلي عمره الان 2 سنه وشهرين احيان يقول لي اذا وسخ طبعا اذا تبرز في الحفاظة واحيان لا واستيعابه حلو يعني يفهمني مادري كيف اعوده على على انه يترك الحفاظ
الله يعطيك العافية ... بس بسالك طفلي عمره الان 2 سنه وشهرين احيان يقول لي اذا وسخ طبعا اذا تبرز...
شوفي حبيبتي
كل طفل يعمل البراز تقريبا مرة باليوم اذا عمل البراز في الصباح او ع الظهر أو حتى في اي وقت من اليوم حلو نظفيه وبعدي الحفاظه وشيكي عليه كل ساعتين خليه يروح الحمام هذا اذا ولدك من النوع اللي يعرف لأيش الحمام أما إذا ما هو عارف لأيش الحمام من اللحين خليه يدخل معك انتي وابوه لما تبغون الحمام عشان يعرف ويتعلم منكم.. وبتلاقينه بنفسه بعد فترة لما يبغى يبول يشلع حفاظته ويروح يعملها في الحمام ... اللي هو البول بس البراز صعب شوي أهم حاجة يتألف ع الحمام
دنياك اتعبتني
اااااه بس انا بنتي عندها امساك مزمن راح الامساك
بس خلف وراه بلاوي احتقان بالشرج وماتتبرز الا وهي واقفه ومسكره ارجولها
عمرها فوق 3 سنوات علمتها الحمام وتعلمت على طول البول بس البراز رفضت بقوه لاانها ماتتبرز الا واقفه ومسكره رجولها على الاخر
وجلست يومين ماشيه تمام بالبول بس البراز حابسته واليوم الثالث يوم طلع بغت تموت من الصياح
لدرجة اني صرت ابكي معاها ورفضت تتبرز الا بالحفاظ
ورجعت الحفاظ وانهرت من وضعها جلست ابكي بهستيريا لها سنتين على هالحاله
ومافاد معاها اي علاج لازيت زيتون ولاعسل ولاعلاجات طبيه
رحنا اكثر مستشفيات المملكه
بدون اي حل كل شي سليم
استخدمت المويه المقريه وللحين نفس الحاله
يارب تشفيها يارب يارب يارب يارب فرح قلبي وخلني اشوفها طبيعيه تتبرز حالها حال اي طفل
ااااااااااااااه ااااااااه ااااااه ياربي ارحم ضعفها
عذبة البسمة
عذبة البسمة
اااااه بس انا بنتي عندها امساك مزمن راح الامساك بس خلف وراه بلاوي احتقان بالشرج وماتتبرز الا وهي واقفه ومسكره ارجولها عمرها فوق 3 سنوات علمتها الحمام وتعلمت على طول البول بس البراز رفضت بقوه لاانها ماتتبرز الا واقفه ومسكره رجولها على الاخر وجلست يومين ماشيه تمام بالبول بس البراز حابسته واليوم الثالث يوم طلع بغت تموت من الصياح لدرجة اني صرت ابكي معاها ورفضت تتبرز الا بالحفاظ ورجعت الحفاظ وانهرت من وضعها جلست ابكي بهستيريا لها سنتين على هالحاله ومافاد معاها اي علاج لازيت زيتون ولاعسل ولاعلاجات طبيه رحنا اكثر مستشفيات المملكه بدون اي حل كل شي سليم استخدمت المويه المقريه وللحين نفس الحاله يارب تشفيها يارب يارب يارب يارب فرح قلبي وخلني اشوفها طبيعيه تتبرز حالها حال اي طفل ااااااااااااااه ااااااااه ااااااه ياربي ارحم ضعفها
اااااه بس انا بنتي عندها امساك مزمن راح الامساك بس خلف وراه بلاوي احتقان بالشرج وماتتبرز الا وهي...
يا حياتي عليها حاولي تاكليها برتقال وملوخيه وبامية وخففي من البروتينات وكل عصير تشربه حطي معاه ملعقة صغيرة زيت زيتون وفيه طريقة مرة حلوة ادهني بطنها من جهة السر بزيت زيتون بحركه دائرية حول السر وعكس عقارب الساعة وطولي حوالي ربع ساعه سويها يومياً ان شاء الله ترجع امعائها تمشيها وان شاء الله ما تشوف إلا العافية
ام تويني
ام تويني
مشكوره ياعسل يعطيك الف عافيه ,,
موضوعك مفيد وفي وقته لاني قاعده اعلم بنتي على الحمام ,,