اللي عندها معلومات عن مستوصف الحرمين تتفضل "ضروري"

ماذكرتي لنا المستوصف بأي مدينه

عشان نقدر نفيدك

انا كنت اروح لها سنه كامله

زحمه والحريم طقاق على الدوووووووور ولما يجي دورك احسها تحب الهذره تخيلي كل شهر كل ماجيتها تقولي

ازيك ياحبيبتي انتي مخطوبه ولا متقوزه وتبتسم وبسسسسسسسسسس
لكن لما تقولي شكواك ماتاخذ ولا ثانيه انا احب الشخص يشرح لي واتفاهم معاه مو بس ثواني واطلع

سويت عندهم تقشير احماض الفواكه مدري شنو بس قالت لي اخف نوع والله خرااااااااااااط سويته مرتين ولا سوا شيء

وعطتني روكوتان خلا جسمي ناشف وصح راحت الحبوب بس بمجرد مانتهى الكورس العلاجي رجعت زي اول والحبوب ذي غاليه بالحيل

وشعري اه ياشعري حسبي الله عليها قلت لها شعري خفيف وعطتني محلول مائي خلا شعري مقرعط تقول واحد مفحط عليه صرت لما اطلع من الحمام لازم هدنه معاه عشان يهبط وكريمات ومطاليب وتشحد

الشيء الوحيد الي ضبط معاي عطتني حبوب فيتامينات اسمها تراي بي داومت عليها يمكن شهرين وخف التساقط بشكل ملحوظ ويوم تركتها رجع شعري يتساقط

ووجهي صفى في تلك الفتره ولما تركتها رجعت زي اول

تخيلي لقيت حريم يقولون لنا 3 سنوات نجي عندها شهريا
احس انها تبي تربط الزباين عندها عشان الفلوس

هذي تجربتي نقلتها لكم واتمنى تفيدكم

هلا والله اختي منال واختي البدوية..بالنسبة لمكان المستوصف بالرياض وتحديدا بحي الروضة....اما انتي ياختي البدوية فوالله انك طحتي في يد اللي مايرحم استغلاااااااااااااااااااااااااااااااااااااااااااااااااااااااااااااااااااااااااااااااااااال عيني عينك انا يوم رحت لها عشان بشرتي والحبوب اللي فيها قالت لي انت مقوزه قلتلها ايه قالت عندك عيال قلت ايه قالت انتي بترضعي قلت لا توني فطمت بنتي قالت اااه ممكن عشان كدا "كأني جبتلها بشارة " على طول قالت خذي التحاليل ديت واعمليها وبعدها تعاليلي اشوف يمكن عندك هرمون الحليب وخلينا نطمن على الهرمونات قلت طيب واروح عند الكاشير الا واعطيها الورقة شوي الا تقول بخمسمية ريال انا تفاجأت وقلت مابسويه وطبعا عطتني وصفة مبدئيا استخدمها على قولتها ويوم رحت الصيدلي الا يقول الثاني بستمية ريال وشذا النصب والاحتيال انا ماشفت بحياتي شخص مستهدف ويحاولون شفط جيوبه مثلنا يالسعوديين تخيلي الدخول 50+500+600=1150 ريال والله اني ماجلست عندها الا يمكن 7او8 دقايق فقط ومبدئيا هذا الكلام طبعا يالقهر مين يحمينا ويحمي حقوقنا وين حماية المستهلك عنذا النصب مانقول الا حسبنا الله ونعم الوكيل وشكرا لك اختي........................

صحيح انا رحت لها واعطتني كريمات وغسول بـ500 وكشفيتها 200
يعني خسرت 700
والنتيجه .....
صفت بشرتي بس فترة العلاج , ثم رجعت من جديد
نصيحة ................. لاتروحي

خخخخخخخخخ اسمج يضحك

اسمحيلي ماعندي فكرة عن طلبج لني من الامارات بس جذبني اسمج...بس ليش ماتتغطين ههههه

لاتزعلين امزح وياج :)