أخواتي الغاليات كم وحده منا أعجبتها وصفه وراسها وألف سيف تعملها حتى لوكانت المقادير
لإستخدام واحد يعني تشيله بالثلاجه أوالدرج وبعدين ترميه
وأنا الصراحه كتب الله علي وأعجبتني وحده من هالوصفات اللي هي لوحده من الأخوات مو متذكره أسمها والله يجزاها ألف خير
وهي سلطه يوضع على الوجه مكرونه الأرز مع صويا صوص لذيذه مره
المهم زاد كثير من هالمكرونه فقلت حرام لازم أخلصها فشغلت القراطيس اللي بمخي<<<عقلي اللي وقف يفكر فجأه
وطلعت بهالطبخه السهله والسريعه واللذيذه جدا أتركم مع الوصفه
أول شيئ المكرونه وذي صورتها
وطريقتها أنك تحطينها في صحن عميق وتكسرينها حسب رغبتك وتصبين عليها ماء حار وتحركينه حتى تلين
وهنا بعد مالانت
وبشرت بطاطس وكوسا جزر اللي موجود عندي من الخضار
وقطعت بصل جوانح وانتي ورغبتك بشكل الخضار
وحطيت بقلايه شوي زيت زيتون ثم حطيت البصل لما صار شفاف ثم حطيت باقي الخضار وخليتها تتسبك سوا
وبهرتها ملح فلفل أسود وبهار وشوي صويا صوص وأتركها حتى تستوي
عد ماأستوت الخضار حطيته مع المكرونه وخلطتها وممكن تزيدين صويا صوص لوتحبينها هنا ماكثرت عشان زوجي مايحب طعمها إذا صار طعمها طالع وهذا شكلها عند التقديم
وبالهنا والعافيه يارب
وأتمنى أني أفدتكم مثل ماأستفدت كثير من الأخوات اللي بالمنتدى