اللي عندها نماذج اسئلة دورة ادخال بيانات ومعالجة نصوص

بالنسبة للنا يالطلاب اختبرت امس اختبار المؤسسة في هذه الدورة

القطعة كانت بعنوان الاسلام والغرب

وكانت بداية الاختبار عشر فقرات معلومات عامة خمس صح وخطأ وخمس اختيار من متعدد

وم ثم العشر دقايق وقت للطباعة القطعة


وبعدها في ساعة كاملة كانت هناك ثلاث نماذج واحد للورد والثاني للاكسل والثالث للاكسس

من كلامهم بالنسبة للقطعة يقولون النقاط و الفواصل والهمزات غير محسوبة من الاخطاء

ورقة الوورد فيها تقريبا كل ما درسناه في البرنامج

من ادراج رمز الى الجداول الى التعداد الى ادراج الصور وكذلك ادراج فاصل وبالاضافة الى اسقاط الاحرف الاستهلالية

وكانت عن الصوم

هذا كل ما اتذكره من الاسئلة واي سؤال عندك حاضر للاجابة عليه

انا سمعت ان احتراف الطباعة عليه 60درجة و40 على البرامج الووردوالاكسل والاكسس
وهل النتيجه تطلع في نفس الوقت وكيف فيه نسبة نجاح عاليه لاني بصراحة خايفه من احتراف الطباعة سمعت فيه رسوب
وعلى فكره القطعه كيف كانت طوليه والا لا؟


والف الف شكر على هذه المساعدة

توزيع الدرجات

40 للطباعة
20 للوورد
15 للاكسل
15 لاكسس
10 للمعلومات العامة

يشترطون الدوخول للاختبار ان تكون عدد الكلمات الى تكتبيها لا تقل عن 20 كلمة في الدقيقة

اقل من كذا يعتبر رسوب حتي لو حليتى الاختبار كاملا صح

اول شيئ الطباعة اذا وصلتي ل 20 كلمة في الدقيقة يصححون اوراقك

طول القطعة غير مهم لانهم يعتمدون على عدد الكلمات الصحيحة
المهم القطعة سهلة والا لا

انا وصلت لـ32 كلمة في هذه القطعة لانها سهلة
فيه قطع ثانية ما اقدر اوصل لـ25 الا بشق الانفس

لان كل كلمة خطا يحذفون مقابلها اربع كلمات صحيحة وعليك الحساب

اعتقد الوصول لـ 20 كلمة في الدقيقة سهل


بالنسبة للنتيجة يقولون بيرسلون على الجوالات اذا ظهرت وهم حددوا اسبوع بعد الاختبار

يقولون انراجعهم خلال يومين من ارسال الرسالة منشان اذا تريد هذه النتيجة ولا بتعيد الاختبار مرة اخرى 120ريال



وعلى العموم الاختبار سهل مو مثل ما صوروه لنا المدربين في العهد

اهم شيئ اهتمي بالطباعة

وتاكدي من صحة معلوماتك عندهم لان امس انواع الاخطاء في الاسماء وارقام الهوية الى رفعها المعهد للمؤسسة ورفضوا اي واحد عنده اي خطأ الدخول للاختبار واجلوا اختبارهم مع الدفعة الجاية تقريبا بعد ثلاث اسابيع

اتمنى وصلت المعلومة اليك

وبالتوفيق لك

الف شكر على هذه المساعده
أتمنى لك التوفيق يارب
بصراحه معلومات جديدة علينا
المعهد اللي فيه ابدا ماقدم لنا اي مساعدة كل مانسأل عن شي قالو ماندري او سمعنا مافيه شي مؤكد
بس الله يوفق الجميع ولايضيع تعبنا على الفاضي

يا حبيبتي الله يعينكـ لا تشيلين هم ترى الاختبارسهل مرررة
أنا اختبرت بـ شهر محرم والحمد لله أخذت الشهادة قبل الاجازة منتصف الفصل الثاني
أول شي خلونا طباعة وكانت القطعة اللي معاي مو مثل القطعة اللي مع زميلاتي يعني اللي القطع مو كلها بعنوان واحد لان أهم شي مجموع الكلمات وخلونا نطبع 10 دقايق
وقالوا لنا ان الغلطة الواحدة بالكتابة يحذف من مجموع الكلمات الصحيحة عشر كلمات فكنت لما أشوف الخط التدقيق الاملائي على طول اصحح الكلمة وانتهت العشر دقايق وأنا ماكملت القطعة لكن لما شفت عدد الكلمات صرت كاتبه 215 كلمه
سكرنا ملف الطباعة
بعدين عطونا ورقة فيها عشر نقاط عبارة عن صح وخطأ
كان عندي 3 فقرات غلط
وأخذوا الاوراق مننا
بعدين عطونا ورقة فيها ثلاث خانات (وورد,اكسل,أكسز)وقالوا حلو اثنين منهم بس
كانت فقرات الاكسز والاكسل على فقرة واحدة بس وسهههلة مرّة
اخترت أنا الاكسز والاكسل وخليت الوورد مع سهولته لان الوورد ياخذ وقت بالتنسيق
وطلع عندي غلط واحد بالاكسل أو بالاكسز
والحمدلله خلصت الاختبار ومتوقعه اخذ ممتاز منخفض والا جيد جدا والحمدلله طلعت النتيجة ممتاز 97%


قلتلك كل اللي عندي عشان تتطمنين
وترى وحدة قالت لي ان الاختبارات والصح والغلط مكررة بالاختبارات السابقة وأنا ماكنت أدري
تقول ان لاقيتها بمنتدى الفراشة

أنا الحين ياعمري أبطلع وان شاء الله بكرى أو بعد بكرى أدور على الورقة اللي فيها الاختبار وأرسلها لك


دعواتنا لك بالتوفيق