شلونكم بنات وامهات عالم حواء
بدخل بالموضوع على طول 00 بنات ولدي عمره سنتين ونص ماشاءالله
وقاعده بشقه مافيها مكان كافي يلعب فيه ولاحوش يعني بالعربي الفصيح سجن(بالنسبه له)
ماغير غرفته صغيييييييره يادوب حاطه فيها سريره وطاوله صغيره والعابه
واللي مضوق المكان انه العابه وايد غير طاوله الكوي وعلاق الملابس
وانا ماقدر اشتري له حتى اثاث جديد لاننا بننتقل قريب ونروح شقه اكبر
لاني حامل ومافي مكان لسرير البيبي بغرفتنا
المهم طولتها وهي قصيره
والله العظيم حيرانه شنو اسوي مع ولدي
مجنني مجنني مطلع عيني بشطانته ماشاءالله عليه
اول مايقوم الصبح يلبس جوتيه وانتو بكرامه ويقول بروح سياله = سياره
كله يحن ويتدلع بروح مع بابا
وابوه ماياخذه على اساس ان الولد توه متعلم يقط الحفاظه تكرمون ويخاف يسويها بنفسه
وينحرج
والله تعبت
وهذا غير انه مجنني يبي ينام معانا (بيني وبين ابوه)
شسوي مع اني مدخلته حضانه الصبح
بس بعد مايرد ينام شوي وبعدها يبتدي مسلسل الحننننننننننه
من الظهر ليييييييييييييييي الليل
نصحوني والله تعبت واكتب وانا رابطه راسي بملفعي من عوار راسي منه الله يحفظه
والله العظيم قمت ماحب اسمع صوت ياهل يبجي
حتى بالتلفزيون اسمع بيبي يبجي:
اسكره وااااااااااااااااي موناقصين حنه ورنه
والله ماتصدقون .. عقب ماذبح طير البلبل
الحين دور الكاسكومعطيه ككاو صارله يومين خاق وشكله بيلحق البلبل
ملحوظه : الكاسكو نوع من انواع الطيور مثل الببغاء(يتكلم )
واغلب كلامه صراخ وبجي ههههههههه والله
<<<<< البركه بولدي
ادعولي الله يتمم علي
لانه صارله اسبوع يطق بطني طق .. وانا الغلطانه
كله اقوله في بيبي داخل . في توتوه في بطيني
هو يسمي بنت اختي توتوه واغلب البيبيات يسميهم جذي
شسووووي ... كل وحده عندها ولد بهالعمر شلون تتصرف معاه ووين توديه
وشنو تشترون حق عيالكم؟؟
عادي الوان وكراسات
ولاشنو ...<< توها تستوعب انها ام
ومشكورين على المتابعه ولاتقصرون بنصايحكم
والله يحفظ لكم عيالكم
ولاتقولون ماعندي سالفه لاني والله العظيم موعارفه شلون اتصرف
اعتبروها على الاقل فضفضه وادعولي الله يحفظه لي
وكل الاطفال كذا واذا كبر بيصير اردا وانا اختك خخخخخخخخخخخخخخخخخ
الله يصلحهم لنا ويخليهم