يقدر يضيف اشخاص عندهم نفس اللعبة ويلعب معهم وكمان يقدر يسولف معهم عن طريق الرسائل الخاصة

يعني حاولي انك تعرفين مين معاه في اللعبة

انا اخوي عنده وضايف اصدقائه اللي معاه في المدرسه

يوووه كنك تحسين فيني اخوي الدعله قالقن ابو راسي انا بعد يبيني ادخل الدي اس ال هو عنده ايقو والبلايستيشن ما يشتغل الا على الدي اس ال لان الايقو الاتصال ضعيف ويبي يقفله ويفتح الدي اس ال عشان هاللعبه الخايسه وله اسبوع مجنني ولي اللحين ما فتحته الله يعين بس هالمراهقين يقلقون الراس وينخاف منه بس اذا على سالفة يفتح ابواب له اهو ما يشبك الا مع اللي يعرفهم اعتقد فيه رقم معين يشبك مو اي حي الله والله هذا اللي فهمته من اخوي والله يستر عليه

نفس عمر ولدي الله يحفظه وعنده الاون لاين وشاغل كل وقته بس انا ماشوف فيه شي فعلا زي ماقلك يلعب معا اللي يضيفهم فقط فولدي ضايف اولاد اقاربنا واصحابه وبعض الاولاد اللي تعرف عليهم في اللعب بالنسبة ليه انا وولدي زي الاصحاب ماشاءالله فادخل عليه وهو يلعب واجلس شويه واقله وريني اللي ضابفهم لايكون ياولد ضايفلك بنت مني مناك عادي احنا فري _ هذي الحركات بس عشان يتجرى يقولي _ ويوريني واحيانا اسمع صوت الناس اللي يلعبوا ويعقلوا وهذا عند استخدام السماعات من جميع الاحناس بس مرة جا قالي ياماما تضاربت انا وواحد في السوني 3 عشان الولد وهو يلعب يتلفظ بالفاظ وسخة مرة وماحد راضي يوقفه عند حد قمت قالتله اذا انت مانت متربي فاحنا متربين فبلاش هذي الالفاظ فرد عليه رد وسخ اش سوي قالتله سهلة احذفه يعني الموضوع يرجع للتربية لان الان احنا كل شي مفتوح اامامنا مانقدر نمنع اولادنا من شي اللي ماحيسويه امامك يسويه من وراك عشان كذا انا عندي قاعدة اذا كبر ابنك خاويه واذا طلبني شي انا ماني مقتنعة فيه اخليه يجربه تحت نظري وتوجيهي احسن من انه يسويه من ورايه وبالتوجيه الغير مباشر حيعرف ضرره ويتراجع عنه
تراها مرة وناسه بالاون لاين وهذا حلاته اللي لو موهو كان زيه زي ال2 حتى يلعب مع عمه في بريطانيا وماصار يطلب اشرطه كثيرهو كم واحد يلعب فيهم اون لاين صراحة ممتع

عزيزتي اذا مادخل اليوم دخل بكره اذا كبر
فالاهل المفرووض يخوفون ولدهم وبنتهم برب العباااد
وقوليله حاسب نفسك قبل ان تحاااسب وبكره وراك حساب ويوم عظيم ورصيد لازم تزيده
ورب العباد مايصير شي في هالكون الا يعلم عنه
وانا وبباتك ممكن نلهى وممكن تسوي الشي من ورانا مادرينا بس لا تفكر ان الله مايعلم
فراقب الله بتصرفااااتك
واستودعيه رب العالمين
يعني احنا نربي ونخووفهم من العقاب ونجعلهم يراقبو الله في تصرفاتهم ونحااول دايم نذكر بعض القصص الدينيه ونقولهم كلام يرقق قلبهم والباقي على الله

أنا أخوي كل لعبه " أون لآين "
وتوه عمره أمم 12 سنه ..
وأحس اللعب بدون مايكون " أون لآين " ماله طعم >> غلبت الاولاد خخخخ


والله يحفظ لك ولدك ..