اللي عندهم خبرة في منتزهات الشرقية ومطاعمها

السلام عليكم ورحمة الله..



بإذن الله بكره بنسافر ويك اند في الشرقية.. عسى الله يتمم على خير .. فحنا صار لنا أسابيع ننوي ويصير شي يخلينا نهون.. الاسبوع الماضي عزمنا وتوفى الاربعاء واحد من اقاربنا بحادث الله يرحمة ويسكنه لجنه وانقلب الويك اند عزاء بعد ما خططنا لسفرة حلوة..


والله يتمم هالمرة على خير..


مابي أطول عليكم..

بس أنتم عارفين أي شي بدون تخطيط ما يطلع منظم وحلو..

عشان كذا أبي أخطط للروحة من ألحين.. <<< يا كثر هذرها ههههههه

السؤال هو::


وين تنصحوني أسكن في الدمام والا الخبر والا وين؟

وين المنتزهات اللي تنصحون فيها؟؟ ((وعلى فكرة السفرة بتكون لي أنا وزوجي وولدي عمره سنتين وبنتي عمرها 5 شهور وشغالتي ،، وهذي الروحة فرصة لنا نستمتع لأنه ماراح يكون معنا أحد زي العادة أم زوجي أو أهله))


المطاعم الحلوة اللي أكلها لذيذ وجلساتها حلوة؟؟


مطاعم السفري اللي توصل للشقة وشغلهم مرتب -عشان العشاء-؟


الهاف مون والا الواجهة البحرية والا كورنيش الخبر والا الدمام والا أيش؟

فيه أماكن حلوة في راس تنورة والا أي مكان بالشرقية؟؟

أبغى أجمع معلومات كاملة عشان أخطط مظبوط


جزينم خيرا