اللي عندهم طفلين ورا بعض كيف تهتموا فيهم

السلام عليكم ورحمة الله وبركاته






هلا حبايب قلبي
حبيباتي انا عندي ولد عمره 7 شهور الله يحفظه وماشاءالله عليه حركته كثير مايحب يجلس في كرسي او مشايله دايما يلعب ويتحرك ويحبي ويحط مناديل في فمه او يفتح الكريم حق الحفايظ يلغوص نفسه او يسحب الاسلاك يعني مااقدر اتركه لحاله
وعندي شغاله بس اتورط في الوقت اللي بعد نص الليل تكون الشغاله نايمه خلاص انا وقتها مااقدر ادخل الحمام ولا اتحمم ولا اصلي حتى لمن ابغا اسويله اكل هوا في يدي
وشاكه دحين بنسبه مره كبيره اني حامل وبصرحه اول ماسويت التحليل وطلع خط خفيف بكيت مره خفت مني عارفه كيف اربي الاثنين سوا
يعني انا احب يكون ليا وقت لنفسي احب انام كويس مو بس احب يعني اول لمن كان ولدي صغير كنت انام نوم مره مقطع
ودحين بدات اشبع نوم وحارجع انحرم منه
مني عارفه كيف اقدر اهتم بالاثنين سوا بس بافكر واشيل هم
بافكر وانا في السابع والتامن والتاسع وبطني كبيره كيف حاقدر احمم ولدي حيكون عمره سنه وشويه واكيد حيثقل وزنه باذن الله؟
كيف وانا في الشهور الاخيره اغسله لمن اغيرله حفاظته؟
كيف اقدر اتمتع بشقاوته والحركات الحلوه في هذا العمر وانا مشغوله مع بيبي جديد ماابغى اضيع شي من طفولته ابغى اضحك على حركاته والعبه واشبع منه؟
كيف اقدر اوفق بينهم في الاهتمام والاكل والرعايه ؟
فين انوم البيبي وفين انوم ولدي وغرفتي صغيره مافيها مكان لمرتبه عالارض وولدي ممكن يطيح من السرير؟
كيف اقدر الاقي وقت لنفسي ارتاح فيه؟
كيف اقدر اطبخ واهتم بيبتي وزوجي؟
كيف اقدر اهتم بيهم الاثنين سوا في الوقت اللي تنام فيه الشغاله يعني طفل رضيع وطفل شقي عمره سنه واربعه او خمسه شهور ؟
ياليت تساعدوني بخبرتكم نفسي افرح بدي التجربه بس ماابغى اقصر مع احد وطبعا ماحاقدر اترك البيبي مع اخوه ولا ثواني اكيد حيغار منه شكلي حاخد البيبي معايا الحمام طيب واخوه
يعني الطفل في عمر سنه وخمسه شهور لازم مراقبه طول الوقت لانه سن خطر يحط الاشياء في فمه ويلعب بالكهربا وشقاوه خطيره
والطفل في عمر سنه وخمسه شهور كيف يكون وضعه يعني ايش يفهم وايش مايفهم؟؟
يعني يعرف ان البراد حار مايمسكه ومايحط شي في فمه ويفهم ولا لسه صغير اتمنى اعرف من تجاربكم وتجارب معارفكم ريحوني والله بس بافكر