لاتخافين من ناحية الوقت، الطفل ف الشهور الأولى أغلب يومه نايم، نامي وريحي لما يكون نايم وبتعرفين تنظمين وقتج بينه وبين شغل البيت
بس ف الأربعين ريحي جسمج وسوي لج برنامج عنايه، لا تقضين أغلب وقتج فشغل البيت، لاحقه ع شغل البيت بعد الأربعين

وعليكم السلام ..
بعض الأطفال يتعبوون وبعضهم زي العسل من تجربه يعني بس مو لهذي الدرجه يمديك تسوين كل شي بالتنظيم..

اول شي تقومين بالسلامه ياحلوة😘

ثاني شي اول بيبي مره سهالات بالعكس تقدرين تروقين وبالراحه لانه بس واحد
ويمديك ع شغل البيت وكل حاجه صح النوم اول الشهور بيكون متقطع لكن بيكون عندك وقت..

انا اول بيبي جبته عادي وبرضو الثاني بس لما صارور ثلاثه ففعلا كركبه وانسي الروقان الا وقت نومهم هذا اذا باقي فيك حيل تسهري بعدهم 🤣

بس اول بيبي لاتشيلي هم ابد. 😩

ههههههههه قولي يارب اقوم بالسلامه وبعدين راح تجي وتضحكي من موضوعك اختي حامل بالخامس واولادها كلهم بالمدارس وراح تجيب بوقت المدرسه 😮‍💨 يعني شوفي الفرق

جهزي لك الطاولة اللي مقسمة لاغراض البيبي
كل قسم حطي فيه اشياء ضرورية
بامبرز منشفة قطن كريمات البيبي
ثقفي نفسك بموضوع الرضاعة الطبيعية
عشان لا تحتاجي لحليب لصناعي للبيبي حقك
البيت بتشوفيه احيانا مكركب
عادي وهذا شي طبيعي واحلى كركبة
بوجود البيبي لازم تتقبلي هالشي
انتي وزوجك
متى ما فضيتي رتبي ونظفي او جيبي لك
خدامة بالساعات

للامومة ضريبة فلا تتوقعي وضع البيت بكون مثل قبل بس هالشي عادي 😇
كنت احيانا اتعب واتضايق اذا اتذكر كومة الشغل
والملابس اللي على راسي بس زوجي كان يقول
لاحقة على كل هذا اول البيبي واحتياجاته