السلام عليكم ورحمة الله و بركاته
من رأيي ال 18 ألف هذي تفتح لها حساب في البنك باسمها أو اسم البنت و تحط المبلغ فيها حتى ما يضيع
أما بالنسبة للاستثمار فالأفضل تطلب قرض من صندوق المئوية أو عبد اللطيف جميل لدعم المشاريع الصغيرة أو حتى تاخذ منها ألفين أو ثلاثة و تختار لها مشروع تشتغل فيه من بيتها و إن شاء الله ربي يوفقها
المشاريع اللي أقترحها لها ( تختار منها اللي تعرف تصلحه بنفسها لأنه ما في مجال تجيب لها شغالة أو أحد يساعدها:
مشغل خياطة جلابيات أو مفارش لغرف النوم
الطبخ المنزلي ( أكلات شعبية أو معجنات أو حلويات ومعمول)
صناعة البخور أو البهارات في المنزل
محل صغير( عبارة عن غرفة بجانب المنزل أو بالقرب من المدخل يمكن تحويلها لمحل مستلزمات نسائية أو أدوات للمطبخ من قدور و صواني إلخ ، أو بقالة صغيرة)
العمل كمندوبة مع احدى التاجرات أو تشتري أغراض بالجملة و تبيعها ( أقمشة ، اكسسوارات، أدوات مكياج)
أشغال يدوية ( تريكو، كروشية ، أعمال فنية)
هذي الأفكار اللي عندي
و انت و قريباتك ساعدوها بالدعاية و إن شاء الله إذا ربي فتحها عليها تقسم الأرباح جزئين ، جزء مصروف لها و لبنتها و جزء تحطه في الحساب اللي فتحته من قبل
بس تحط فبالها أن المبلغ اللي حطته في الحساب ما تلمسه مهما يصير ، سواء ربحت أو خسرت
حتى ما تضيع فلوسها
و حتى لو ما قدرت تسوي مشروع أعتقد أن الضمان يشملها هي و بنتها فتقدر كل شهر تاخذ جزء من مبلغ الضمان و تحطه في الحساب على المبلغ السابق و بمرور الوقت سنة ورا سنة بيزيد المبلغ من غير ما تحس (بس لا تنسى تزكيّه)
الله يسهل لها أمورها و يوفقها و يرزقها من حيث لا تحتسب.
الصفحة الأخيرة
ويخلي لها بنتها