اللي عنده خبره فى صباغه الاثاث .........مساعده

على فكره بنات ايضا ولاعليكم امر ابي اصبغ للون الابيض
وودى بعد مااخلص اطبع عليه صور بس تكون اشبه بالجاهزه

وين الاقيها وكيف اعملها ...........ولكم جزيل شكري

مرحبا حبيبتي

البنات ما قصروا بالمواضيع كتبوا كل شئ بالتفصيل الممل

أنا بعطيج من خبرات ونصايح البنات

إذا الأثاث مصبوغ وبتشيلين الأثاث في ماده تنباع بمحلات الأصباغ تحطينها عالصبغ بعد فتره يصير جنه عجين تشيلينه بسكين الصبغ
وبعدين نضفيه بماي أو أي منظف أثاث
سنفري الأثاث بسنفره ناعمه علشان يصير السطح مستوي
ييبي الصبغ اللي تبين تصبغين فيه الأثاث وبالفرشه صبغيه وإذا تبين حمايه ولمعه للصبغ حطي ورنيش عليه وأنواع الورنيش واااااااااااايد
والتعليمات مكتوبه على العلبه


الحائط لازم تشيلين كل المسامير وتيبين مادة معجون وبسكين الصبغ تملين الفتحات وتسدينها وتسدين الأماكن المتبططه من تسرب ماء أو غيره
تنطرين المعجون ينشف الأفضل تخلينه يومين
تييبين ورق سنفره وتسنفرين المعجون علشان الزايد والبروزات تروح وتسوين السطح
إذا كان الحائط عندج ملون يفضل تصبغين عليه أبيض قبل لا تحطين لون ثاني عشان ما يختلطون اللونين ويعطيج نتيجه ما ترضيج
تييبين رول بلاستيك أو نايلون وتفرشينه عالأرض عشان الوصخ والصبغ ما يتلفلج الأرضيه
تحطين الصبغ بوعاء فتحته كبيره تكفي تحطين فيها الرول
تلبسين لبس خاص وقفازات وتحطين الرول بالصبغ وتخلينه يدور بالصبغ علشان يصير كله صبغ وتسمين بالرحمن وتحطين الرول بأعلى الحائط وتمشينه لآخر شئ من فوق لتحت وتردين تمشين عليه من تحت لفوق على نفس الخط عشان تملين الفراغات وتصلحين العيوب وجذي خلج لين تخلصين الغرفه
بالنسبه للزوايا وحدود الحايط المربعه تحتاجين فرشه عشان تصبغينها لأن الرول ما يصبغ هالأماكن


إنشالله أكون أفدتج وخذيتي اللي تبينه
الأغراض كلها موجوده بمحلات الصبغ :24: :26: :27:

انا غامرت قبل 3 شهور وصبغت غرفه اولادي الجدران +الاثاث
مع ان زوجي ماكانت عاجبته الفكرة ولما بدانا انا وهو تحمس وصار نفسه يصبغ البيت كله وكل شوي يقول مافيه شي ثاني نصبغه
اهم شي اختيار نوعيه صبغ جيدة وبصراحه انا اخذت من جوتن واخترت اللون اللي ابغاة وهما قامو بعمليه الخلط حتى حصلت على اللون المطلوب
ولان غرفه اولادي لونه الجدر ابيض والاثاث ابيض عادي صبغنا عليه وطلع اكثر من رائع
اخترت لون الجدار اصفر ليموني وصبغت جهتين متقابله والجهه الاساسيه رسمت نجوم وصبغتها لون اصفر ومن الزوايا عملت قوسين وطلع الشكل مرة حلو
والاثاث القطع الصغيرة كلها نقلتها للسطح طبعا كان قبل موسم الشتاء والامطار وصبغناها فوق حتى نرتاح شوي من ريحه الصباغ
وعملت الاثاث بلون بيج كريمي وطلعت الغرفه كانها جديدة ومااحتاجت اني استعمل ورنيش او حتى ازاله للصبغ الاساسي اهم شي تفرشي الارضيه بنايلون اللي تجي لفه كبيرة وتثبتيها بتيب عشان ترتاحي وقت الشغل
وصراحه النتيجه مرة رائعه انقلبت غرفه اولادي شي ثاني وشلت الموكيت وفرشت الارض مشمع نوعيه ممتازة على شكل صخور بلون بني متدرج في الالوان ودخلت على الغرفه لون اخضر عشبي اللي هو في الستارة وعن قريب راح اصور الغرفه واعرضها
وراح اعرض لكم صور تغييري لغرفه بنتي وكيف انه ممكن بشوي شغل تبدعي في بيتك بنفسك
نسيت اذكرك لازم الفرشه تكون من النوع الجيد حتى مايبهذلك الشعر
اما الجدران عادي تستعملي الروله وتخففي اللون بثلث الكميه تنر

حبيبتى فراوله ........يعنى المطلوب ماده ازاله الصبغ ( ياليت عندك اسمها )
والسكين كيف اطلب السكين من نفس المحل ؟؟
السنفره كيف اعملها .. ؟ وكم يوم انتظر حتى تجف العجينه ؟؟
وايضا هل انواع صبغ الاثاث تختلف عن الحائط ولا هى نفسها ؟؟

والف الف شكر

اختى كل الغوامد ......يعطيك العافيه
شغلك رائع جدا

بس لو صبغت ابيض فوق البرتقالي ماراح يبان اللون البرتقالي ؟؟
والف شكر لكم عزيزات :26:

هلا حبيبتي
الماده ما عندي أسمها بس لو قلتي للمحل عنها بيعطونج إياها وسكين الصبغ يايه شكلها مثلثه شوي مستويه تلقينها بالمحل بعد أهم يعرفونها
السنفره تشترينها من نفس المحل وتحطين الجانب الخشن على اللون وتحكينه لحد ما يتقشر اللون وينعم معاج الأثاث
والعجينه إذا قصدج المعجون نطري يومين بالكثير
ويفضل تصبغين أبيض فوق البرقالي علشان يطلع اللون الجديد ناصع مو داخل فيه لون ثاني
وأعتقد ألوان الأثاث نفسها للحائط بس سألي