السلام عليكم ...

وربي اني متشوقه اقراء ردودكم مشكورين يابعدي كل ابوكم وامكم

تسلمين ماويه بصراحه زي ماقلتي اني ماذكرت لكم الا اشياء الخفيفه مره من فعايلها عشان كذا ردك ورد بمبه ورد ام البزارين ورد مريومه وبقايا جرح وذكرايات الامس ماشافو المشكله

والله انه شي يقهر وخصوصا اني اكتشفت انها معنا هنا بالمنتدى وتاكدت انها هي وكاتبه كلام يسم البدن على امي وعن معاملتها لها وطبعا كاتبه العكس

المسكينه
امي اذا درت بموعد جيتهم لنا بالرياض تستعد استعداد كلي تجهز وتزين وشيلي هذا اسومه وحطي هذا كله عشان جيتهم لنا

والاعظم من هذا كله ان امي تتنازل عن غرفتها وتحط اغراضها حقت يومين في شنطه كله عشان ماتدق الباب عليها اذا كانت نايمه وفي الاخر اقرا انها تتذمر من جيات امي لها في بيت ولدها وهي شايلتها على كفوف الراحه وزياده على كذا ان امي اللي استامنتها على غرفتها تقول ان امي تفتش باغراض غرفتها الظاهر العكس تفتش هي باغراض امي

صحيح ان فيه بعض الامهات قشرات مع حريم عيالهم بس امي وربي لا لها ولا عليها طيبه مرررره ومخليه كل واحد على راحته

ان شاء الله تكون قرت موضوعي وتستحي على وجهها واولا واخيرا تتذكر ان ماسوت بالناس بكره يسون فيها حريم عيالها يارب

اختي مليحه انتي ذكرتي اننا نلمح لها برد عليك واقول عجزنا من كثر مانلمح واخر شي قمنا نصرح ولا في فايده

اختي بمبه الحمدلله ان اخوي بار فينا وهذا اللي مريحني
بس ان بغيتي الجد شي يحزن انه مايدري وش تسوي من وراه في النت وخصوصا كتاباتها عن امه

دلع والله انك صادقه ان تكلمت اللي عندي ماتازن حكيها لا على الكبير ولا الصغيروالسكوت لها ابرك

اختي وهج اسفه وان شاء الله يتعدل الوضع عندك ويصحى اخوك ويحس بالغلط اللي سواه وبيحس ان الام ماتعوض واهله كلهم مايتعوضون

اختي دمعه الله يفرجها عليكم ويخلصكم منها يارب

جرح يقتل بالنسبه لي انا مطنشتها ولا اعدها شي لانها بالنسبه لي لاشي اذا هذي سواياها
واذا فعلا عندها قوية شخصيه على قولتها تتذمر قدامنا مو من ورانا

ههههههه مريومه مشكوره على الرد انقلبت السالفه حشش وانتي الصادقه وسعي صدرك
لا تصدقين عاد وتوسعين صدرك من جد بالحشش تراي امزح :p

بقايا هاه اعجبتك سواي مرت اخوي ان كانك تبينهاخذيها هديه مني لك :)

مشكوره اختي قلب ادمته الجراح جزاك الله خير الله ينور دربك في الدنيا والا خره

شجون الله يعدل الحال لكم ان شاء الله :(

ياليت يكون اللي فيها خجل عشان كذا ماتسلم كان اهون عندنا بس الظاهر العكس
اما بالنسبه اني اقعد وانصحها هي كبيره وما اظن تجهل الشي اللي مرارا وتكرار قلناه لها
يمكن مساله معاند تصرفاتها
البائسه مشكوره اختي على النصيحه بس في من زوجات اخوي وحده كل شي اقوله لها وما اخبي اي شي عنها وهي برضوو عادتني زي وحده من خواتها الحمدلله :)
الله يعطيكم العافيه على الردود وكثر الله من امثالكم

هلا احتي
فعلا تذكرت المشكله واحتقرت الكاتيه مرررره
وكان كلامها ميالغ فيه..والعجيب تفاعل الينات معها!!
عموما الحساب غدا..والله يعيتها ماسويت سوي بك والبر سلف سبحان الله..

... الســـــــــــلام عليكم ورحمة الله وبركاته ...

الله يعيييييييييييييينكم كل ابووكم وتصدقون مصائب قوم عند قوم فوائد ( هي تقال تسذا ؟ ) يعني الحمد لله انا ماعندي زوجة اخ ولااعرف بالشغلات هذي وانا مايقهرني الا اذا كانت الحموله طيبه وخصوصا ام الزوج ام اذا صارت قشرا تستاهل :p ,, الله يصلحهم اجمعين ويهديهم يارب ..

وبالنسبه لمشكلتس اختي اسومه دامها زوجة اخوك تبغى العلاقه بينكم رسميه وانتم حاولتوا تغيرون فيها خلاااص خليها رسميه وهي الخسرانه ودامك تقولين عندك ماشاء الله 3 غيرها خلاص وش تبيييييين اكثر اسمعي شوري وانا اختس :)


اختكم : ع ـــــــــــنوووده