اللي عنده علاج للبلغم والكحه تسااااااااعدني

انا عانيت زيك والله ولدي من يوم عمره 5شهور و هو كدا و جسمه ضعيف مرة لحد مااستعملت له الحلبة صرت اسلقها حبوب مع الخضار و اهرسها و أأكله هي الحمدلله مرة تحسن واستمريت لغاية السنة وانا كل يوم ااكله حلبة والناس تتأفأف من ريحتهم << هم توأم
بس ماهمني في الناس المهم صحة اولادي والحمدلله قويت شوي مناعتهم و دحين من بعد السنة ونص وانا بحط لهم بالخضار حب شعير و اهرسه والحمد لله مرررررررررررررررررررررة وقفت البخاخات الفينتولين و الفليكسوتايل و البخار و كل هالاشياء وانا ما كنت ادري انه الشعير كويس للصدر والبلغم و يقوي المناعة

و كمان الشوفان الكويكر كويس برضو لمشاكل الصدر حطيه في اكله او اعملي له مهلبية وحطي له منه معاه و اهرسيهم و بالعافية عليه حبيبي الله يطمن قلبك و الله البلغم دا مرة مشكلة بالذات هالبخاخات و البخار كانو يخلوهم عصبيين مرة و نكديين و ماينامو كمان و متوترين طول الوقت وبكا بس يارب ما ارجع ابدا لهالشي نهائيا

و أكليه زبيب يماني الاسود ترا مرة يقوي المناعة انا اولادي مارضيو يشربو عصيره و صرت اغليه على النار و اخلطه بالخلاط مع شوية نشا و حليب حقهم و احط الشوفان الكويكر جواه و معاهم شوية تمر معجون عشان احليهم فيه لاني ما احبهم ياكلو سكر و اغليهم عالنار بعد ماينخلطو بالخلاط و لما يبدؤو يثقلو اشيلهم و اصبهم في برطمانات قزاز في الثلاجة استعملهم لمدة اسبوع و كل اسبوع ارجع اعمل لهم منه تاني واذا حبيت اغير لهم شوي احط لهم كستر بدل النشا و احط كورن فليكس كمان


ترا الزبيب اليماني مرة كويس لتقوية المناعة عند الاطفال ويزيد ذكائهم ويعوضهم مع التمر عن اكل الفواكه التانية

ادهني صدره وظهره ورجوله بزيت السمسم

..

انا معاك يانونة وكمان الزعتر البري عند العطلر روعة للبلغم
وبالنسبة لزيت السمسم ممتاز بس لا تحطي كثير يادوب مسحة خفيفة ولانو الزيت الوحيد الي يخترق الانسجة وشوي لاسع بيخلي الطفل يتضايق منة
فية بالصيدلية شراب باللبلاب لكحة ولبلغم اسمة بورسبان ممتااااز هذا الي نفع ولدي بعد الله
ومايشوف شر

دواء عجيب للي يعانون من أمراض الكحه وألتهاب الصدر والبلغم ..
وهو ( بودرة جذور اللوتس ) موجود في محل الغذاء الطبيعي قطاف الطبيعه هذا عندنا في تبوك مدري عن مدينتك
بصراحه مجرب لدرجة أنه يخرج المخاط المتجمد في الرئه للكبار والصغار
ويعطى للأم المرضعه أذا كان رضيعها يعاني من أي مشكله في الصدر ..
طعمه مافيه شي حلوو ماهو مــر ,,
الطريقه : ملعقه صغيره مع نص كاسة ماء وشوية ملح بحر قليل جداً وثلاث نقط زنجبيل طازج ..
ويشرب منه للحالات الصعبه ثلاث مرات في اليوم وللعاديه مرتين صباح ومساء ..
وسعر الكيس والله ما أذكره أكيد من 20 ريال وتحت ..
بعد شربه راح يحاول الجسم عن طريق الأستفراغ التخلص من المخاط الزائد على الرئه ..
أتمنى أن أكون أفدتكم ..

والله يخلي لك ولدك يارب

صح كلام كلي امل

زيت السمسم مرة كويس للبلغم

انا كنت ادهن لهم صدرهم بعد ما ادفي الزيت و الف لهم صدرهم بالنايلون حق تغليف الاكل عشان لا يضايقهم مو زي الكيس او الجريدة

و انيمهم فيه لمدة 3 ايام