اللي عنده فكرة عن تعتيق الخشب يا ريت يدش و يقرأ موضوعي

سلام بنات

انا قاعدة اعدل مدخل بيتي و الممرات.. و تقريبا انتهيت .. لو زين اعرف انزل الصور كنت راويتكم عشان تفهمون مشكلتي اللي ما ادري شلون باشرحها عشان تفهمون الوضع.. المهم .. خليت المدخل (اللي هو اصلا عبارة عن ممر يودي على طول على الصالة) مع الممر اللي بالطابق الثاني نفس الفكرة و هي اني حطيت حجر في الجدار (انا عملته من ورق) و جبت اوراق استنسل على شكل اغصان و ورود طالعة من الحجر و متوزعة على الجدار.. طبعا الحجر عملته في اماكن معينة و زوايا معينة بحيث يبين انه الجدار مكسر في هالاماكن... الحين عاد اكلمكم عن المشكلة...

طبعا اهم زاوية.. و اللي المفروض تكون قلب المدخل.. انا كنت حاطة كبت صغيرون (هو اصلا تكرمون للنعل بس مو مبين الا لما ينفتح) و فوقه قطعة خشب(علاقة) لتعليق الجاكيتات و العبايات (طبعا مو انا اللي حاطتها هي كانت موجودة من قبل).. طبعا كان اول خطوة اني لازم اشيل هالخشبة عشان العب في المنطقة براحتي.. و للاسف ما قدرت.. ملصقة بطريقة عجيبة و لما حاول زوجي يطلعها من الجدار شفناه على وشك التصدع... لهالدرجة.. فقررنا نخليها و طلعنا منها الهانكرز بس ( حدايد التعليق)..

المشكلة الحين انه شكلها قبيح بطريقة رهيبة.. و ودي اعمل فيها شيء لاني ما راح اقدر اشيلها..

اليوم صبغتها نفس لون الجدار.. و حطيت تحتها على طول قطعة من الخشب و الحديد المعتق و فيها رف صغيرون.. حطيت عليه مزهرية عنونية و طلع المنظر حلوو وااايد.. خاصة بعد ما حطيت الحجر و رسمت بالاستنسل.. بس للاسف احس قطعة الخشب داشة عرض بطريقة كريهة..
عاد الحين جت في بالي فكرة اني اعتق هالخشبة و لو انه حتى موقعها غلط.. بس على الاقل قضاء احسن من قضاء.. ساعدوني بافكاركم الله يخليكم.. شنو اسوي فيها هالخشبة العنيدة اللي فرت راسي فر.. انتظر ردودكم و افكاركم..