اللي عنده معلومات عن مدينة Norwich في بريطانيا .. يدخل بليز

ملتقى الأحبة المغتربات

السلام عليكم و رحمة الله و بركاته

اخواتي العزيزات بعد اسبوع ان شاء الله بسافر لمدينة Norwich مع زوجي للدراسه في جامعة اسمها University of East Anglia

و بعيش اهناك لمدة سنة ان شاء الله

اللي عندها اي معلومات او زارت هالمدينة من قبل او تعرف اي شي عن هذه الجامعة ... بليز لا تبخلون علي بالمعلومات و النصايح و خبروني عن الحياه في بريطانيا و كيف تعاملهم مع العرب .. و كيف حال المتنقبات هناك ... هل يضايقون الوحده او يحدقون فيها اذا كانت متنقبة او عادي متعودين على المتنقبات ؟؟

و هل في مسجد في هالمدينة و الا لا ؟؟

و جزاكم الله الف خير
4
970

يلزم عليك تسجيل الدخول أولًا لكتابة تعليق.

تسجيل دخول

حرم الدكتور
حرم الدكتور
حياك الله ياختي
وتوصلين بالسلامة يارب
عموما يؤسفني اني مااعرف المدينة
ولكني اعرف بريطانيا عموما
الحجاب مألوف جدا والنقاب كثير جدا في جميع المدن البريطانية
لكن نصيحة لايستحب اللون الغامق بالحجاب لانه يكون ملفت جدا للانظار
كثير الحمدلله متغطين ومتنقبين ومافيه اي مضايقات
عن المعيشة اتوقع المدينة الي راح تجيلها لاتخلو من الباكستانين
وهناك ربما تجدين محلاتهم وهي توفر 90%من احتياجتنا
واي سؤال حنا حاضرين
وان شاء الله بنات بريطانيا ماراح يقصروا معك اذا كانوا يعرفون
غـــدو مــحد قـــدو
حياك الله اختي..

الله يوصلكم بالسلامه..ويهون عليكم..

المدينه مااعرفها..اعذريني..بس انا مع حرم الدكتوور النقاااب منتشر وعادي ولله الحمد ولافيه مضايقاات

واشياااءنا نلقاها هنا يعني ان شاءالله مهنا صعوبه..

ادري مافدتك بشئ....؟؟بس الحمدلله المسلميين منتشريين كثيير في بريطانيا

الله يسهل عليكم:26:
Honest
Honest
حرم الدكتور مشكوره على الرد .. قلت حق زوجي اني بلبس نقاب و حجاب لونه غير الأسود لأنه اللون الغامق يلفت الانتباه .. بس الله يهديه مب راضي .. يقول مثل ما تلبسين في بلادج البسي في بلادهم :|

غدو محد قدو
شكرا على الرد اختي


أرجو من الباقيات الصالحات اللي يعرفون شي عن هالمدينه يردون علي بليييييييييييز و أبي اعرف عن اسعار السكن و الشقق المفروشه
حرم الدكتور
حرم الدكتور
اهلين اختي
صراحة عن الاسعار تعتمد على الموقع وعلى نظافة وحجم السكن
يعني مثلا عن المدينة الي انا فيها
الي يسكن بداخل المدينة (CITY CENTRE)
عادة الشقة المؤثثة من الى غرفتين نوم ومطبخ ودورة مياة وصالون تتراوح من 550 -750باوند شهريا
والبيوت عادة تكون على اطراف المدن يعني مو بالسنتر
وتكون ارخص يعني ممكن هاوس ب500باوند
وترى هذي اسعار مدينتنا مادري يمكن تختلف من مكان لمكان والله يوفقكم