اللي عيالها فيهم حساسية.. ( تدخل)

السلام عليكم ورحمة الله وبركاته
الى الأمهات الغاليات..
انصحكم بعدم اعطاء اطفالكم للسيريلاك ( بالقمح ) أو أي منتج يدخل في تركيبته القمح,, وكذلك حب الهريس... للييييييييييييييييييييييييششششششششششش ؟؟؟؟ :10_8_9:
انا أقولكم..
عندي ثلاث بنات الله يحفظهم.. من يكملون الأربع أشهر.. يتهم حساسية في الصدر.. أول شي تبدا بزكام وبعدين ينزل البلغم على الصدر.. وتشتغل الكحة.. وآخر شي حساسة مع صوت تكمل فيهم أقل شي شهر تخيلوا.. تكون صحتهم حلوة وبعدين يضعفون !!! :icon33:
ومع علاج البخاخات ( الفنتولين ) و ( الفليكسوتليد ) وأدوية البلغم...... الخ << وحدة معاااااااانية :mad: :icon36: :mad2:
المهم..
اصغر بناتي بتكمل 8 شهور ان شاء الله.. شوفوا الصدفة
جتني بنت عمتي ( الله يجازيها كل خير وويوفقها دنيا وآخرة ) وقالتلي : انت شو تأكلين بنتج؟ طبعا هي شافت الأكل بس حبت تتأكد..
قالتلي انت ما تعرفين ان القمح مو زين للي عندهم حساسية. لا وبعد حب هريس :D هذا أخطر شي.. انت بس اقطعيها من هذا الأكل يومين بسس ( يومين ) وبتشوفين..
شو تتخيلوون؟؟
والله العظيم ان الصوت اختفى والله.. :icon28:
والكل لاحظ واستغرب.. كانت مثل القطوة تخرخر.. اللهم لك الحمد والشكر..
يعني ببناتي الثنتين.. لما يتأزمون.. كنت اقطع السيريلاك عنهم فترة وارجعه.. ولما أقول للدكتور هل هو من السريلاك يقولي لأ.. سبحان الله.. الأيام تعلم الانسان..
ادري اني طولت بس والله اني معانية من هذا الشي.. وحبيت اني انقل هذي التجربة وادعوليييييييييييي
واللي تجرب سواء نفع أو ما نفع.. يا ليت تخبرني.. وبالتوفيق للجميع
:26: