اللي عيالها مثل عيالي تجي تقولي وش تسوي؟.

سلام سلام سلام تحية الاسلام
الو الو الو شراب البرتقال
معليش متاثره بعيالي والعابهم السامجه
اولا نبدا في صلب الموضوع ...يعيني على الثقافه ياناس.....عيالي مجننيني ما يخلونا نقعد انا وابوهم لحالنا :39: ابدا الاويجون يخربون علينا في كل شئ اذا جينا نجلس مانجيب شاهي علشانهم يحبونه نجيب زنجبيل علشان يحرهم ويهجرون جلسات اللي اكبر منهم :D فجأه ادمنو الزنجبيل وياماما صبي
وموت ولدي اذاشافنا بندخل الغرفه سوا يقول انتي تعالي هنا عندنا وخلي بابايروح واذا بغا ابوه يصرفه يقول روحي شغلي له الفيديو علشان يصد عنا واذا شغلته يقول اقعدي ناظري معي علشان بابا ينوم
واليوم شافني جالسه جنب ابوه قال وشو يعني بابا صديقك بابا صديقي انا (عاد ابوه يقول الدعوه مهيب صداقه وبس وانا ابوك المسأله اكبر...يبي فتح عيونه اكثر) :rolleyes:
وكلش يهون الاعند الطلعه اول من يركب هم :3_10_6: واذا شافني ابو لسانين طالعه يقول لا تروحين معنا ارجعي واذا عييت يجي هو ويشخص قدام وانتي اركبي ورا واذا قلت لابوه شئ قال ايه كذا الرجال :arb: علشان لين تعبت يساعدني في السواقه ( وحنا وين بنروح يحسره لأهلي في الحي اللي جنبنا)
وما اقول الله يكون في عوني جننوني :06:احيانا ودي امسك ولدي واجلده جلد :024: لاكن لين شفته نايم ارحمه واقول والله انه حبيب. :44:انا بسئل بس من منكم مثلي علشان تهون علي.