اللي عيالها يروحون بالباص تنبيه / قديم

السلام عليكم قرأت موضوع وحبيت أنبهكم عليه حادثة صارت بالبحرين.
عن طفل يدرس بالروضة ومعها توأمه المهم ركبوا الباص ومع اللف والدوران نام واحد منهم
وبعد ما وصلوا نزلوا كل الأطفال ماعدا النائم نسيوه ومافي احد انتبه له إلا لما جاء موعد الانصراف بالظهر وحصوله مسكين ممدد ومات الله يرحمه الله اعلم هو استمر بنومته او انه صحي واستنجد ومافي احد انتبه له وطبعا اللوم موجه لمشرفة الباص اللي ماادري وين كان وجودها ولصاحب الباص اللي ماكلف على عمره يلتفت ويتفقد الباص وأيضاً اللوم على المدرسة المفروض من يغيب الطالب يبلغ أهله ويستفسر عن غيابه. وبرضه يقولوا الولد الثاني سألته المعلمة عن اخوه قال نائم ومادروا وين نائم :(:(
وانا من قرأت قصته قلبي تقطع عليه كيف امه اللي أرسلت ولدها ومطمنه انه بالمدرسة وهو الله اعلم يستنجد او مات من خنقة الحر وهو نائم. انا عندي بنت وأرسلها بباص مضطرة وهي بالابتدائي ودائم استودعها الله واحرص عليها انتبهي لاتركبي باص غير باصك. ولاتنامين ماحد يضمن والله يحفظهم من كل شر انا بنتي الثاني ودها تروح روضه بس مشكلة المواصلات صعب وما يعطيني قلب ارسلها لحالها باقي صغيرة وعاد انا يوم قرأت هالخبر سألت بنتي لو احد نساك بالباص او نمتي كيف تتصرفي قالت باصرخ قلت يمكن ماحد يسمعك او ماحد حولك المهم جا ببالي الهورن او البوري قلت في هالحا له تضغطي عليه لحد مايجي من يساعدك
فياليت كل وحدة تستودع عيالها كل يوم وتحصنهم وتنبه عليهم وتوجيههم كيف يتصرفون يقبل تصير الحوادث الله يكفينا شرها ويحفظ عيالنا يارب