مطر الصباح حبيبتي ابعطييك رابط للشيخ الشبيلي
ودامك توك ببداية الأسهم همسه تورعي عن المختلط كتورع مااقدر اقول لك حرام والله الله بالنقي
وانتبهي من المحرم ورابط الشيخ الشبيلي بيفيدك كل مره يحدث بالنسبه للأسهم النقيه وغيرها
http://www.shubily.com/
ولاتطبين بسرعه بالاسهم سوي نفسك بيع وشراء وهمي حتى تتعلمي واكتبي بورقه بكم شريتي
وبكم بعتي وكم ربحك لمدة اقل شي اسبوع
وانتبهي من كلام المرجفين لايخوفونك
ولا لا لا للبيع بخساره لان اي سهم مصيره بيرد مهما طول نايم اسألي مجرب
وقسمي جزء من فلوسك استثمار والباقي طقطقي به وستثمري في نادك
والله يربحنا وياكي وكل مسلم
اي سؤال انا حاضره يالغاليه

الحمدلله

وطريقة البيع والشراء سهلة

اليوم الخميس وبكره افتحي المحفظة وتعرفي على الموجود فيها
قبل لا تبدين يوم السبت

اذا حبيتي تشترين
اضغطي على امر شراء على القائمة في اليمين

ثم راح تطلع لك صفحة
اختاري السهم الي حابة تشترينه
+ نوع الأمر :
* امر محدد السعر >>> أنت تحددين سعر السهم
* أمر السوق >>>> راح ينفذ لك الأمر بالسعر الموجود في السوق "ماركت"
وهذا الخيار ما ينصح فيه الأفضل انك انت تحددين السعر

+ الكمية
المقصود فيها عدد الاسهم الي حابة تشترينها في الشركة

وباقي الخانات ماعليك منها مي مهمه

الله يسلمك يامطر مشكوره عالرد

ام امتنان شكرا على الموقع والله يجزاك كل خير..واكيد وباذن الله اني ابببعد عن الاسهم المختلطه او الربويه .. الربح الحرام لوهو ملايين مافيه بركه ..ويكفي انه حرام علشان نتركه ...اما الحلال سبحان الله يطرح الله فيه البركه ...ويريح الانسان نفسيا ويحس برضى الله...
ونصايحك ابحطها قدام عيوني اكييييد ...الله يسعدك ويساعدك ويرزقك من غيرحساب ويستجيب دعائك ...اميـــــــــن
وثاب.. تصدقين امس فتحت المحفظه ومالقيت شيء ..وادور من وين الواحد يبيع ويشتري ولقيت فيه على اليمين ( تداول مباشر ).توقعته هو اللي نبدا منه واضغط عليه وعيا ينضغط ..قلت لنفسي يمكن علشان الخميس مافيه تداول ..والسبت ينفتح ان شاء الله ...
وبعد ماقريت ردك رجعت وفتحتها وفعلا لقيت امر شراء على اليمين ..مدري وين كان رايح امس؟؟!!! ماشفته ...الله يجزاك كل خير ويوفقك ويحقق امانيك يااارب ويسهل امورك ..اميـــــــــــن
والله يابنات اني متخوفه وحاسه اني ابحوس بالبدايه ...واللي مخوفني ان المحفظه مهيب لي لزوجي ..لو هي لي معليش اتحمل كل شيء وكل اخطائي..
الله يسهل علي وعليكم وعلى جميع المسلمين والمسلمات
قمراي لا شكر على واجب .. الله يسهل امورك ..

الفرنسي كثير يمدحونه

ودي اسوي محفظه فيه