,,
صباح الخير يا حوائيات ئلبي ,,
,,
صباحكن هالورد كل وحده تقطف لها,, وحده,,
المهم ==>> يا كثر مهماتك :35:
الحين هالي صاحيه هالوقت وتتصفح عالم حواء ..
اولاًًً ايش جالسه تسوين هالحزة ==>> اتركي اللقافه
ثانيا ًًً وش رايكن نستفيد من وقت جلستنا الان على النت !!
وتصفح عالم حواء او غيرة .. وش رايكن ؟؟؟
بتقولن شلون !! انا اقولكن ...
تعالن قربن اذانكن عشان ما تقولن ما سمعنا زين,,
مو فاضيه اعيد ..ايه قربن زين ..
طيب بخلص بس لا تدفن ..
الحين انتن جالسات تقرن صح ؟؟
فاضيات يعني صح ؟؟
وش رايكن بشي نسويه ؟؟
طيب بقول خلاص ..
الحين دايم نشتكي من بشراتنا الي تبي تعديل صح ؟؟
وكل وحده جامعه لها الف خلطه لا وبعد شاريه اغراضها!!
بس نصكن ما بعد استخدمنه ليه!! الاسباب !!
عارفه عارف بتقولن مافي وقت ... طيب الحين انتي فاضيه ..
انهجي قومي .. كل وحده منكن تقوم لعزبتها حقت الخلطات ..
تخلط لها اي شي وتحطه على وجهها ,,
وتجي اشوف وش هي سوت ..
لا تقولين كسل :mad: مو فاضيه مشوار ترى ذا شي لك انتي مو لي..
بعدين كم بياخذ منك ترى كلها خمس دقايق حطي قناع وتعالي..
وربع ساعه وقومي اغسليه وتصيرين قمر ..
وسوي هالشي كل اسبوع مرة .. ترى ذا الشي لك مو للناس,,
لا تحطينه عشان تطلعين حلوة قدام الناس ,,
لا ثم لا حطيه عشان تصيرين حلوة بعيونك عيونك اولا ..
اذا شفتي خشتك بالمرايه تنبسطين ...
ايوة حلوات خواتي .. فاصل الين ترجعن من الخلطه ..
بعض الخلطات السهله للي ما تبي تفتح دفترها ..
1)ملعقه خميرة تعجن بزبادي ولا حليب وعسل ونقط زين اللوز ..
2)ملعقه ك نشاء +شوي مويا =على الوجه بعد دهنه بشوي
زيت زيتون ,,20 دقيقه
او اي شي حولك زبادي لحاله ,, عسل لحاله ,,
بشرب هالكوب دامكن ترجعن
يالله خلصت .. من رجعت منكن فديتكن ؟؟
يالله نبدى الخطوة الثانيه .. الحين القناع على وجهك !!
طيب ابدى تصفحي الي يعجبك من مواضيع..
طيب بهالوقت بتجلسين تقرين وبس !!
بتقولن وش تبين نسوي !! طيب جايتكن بالجواب ..
ما ابي الا انكن تذكرن الله وانتن تقران ..
{سبحان الله والحمد لله والله اكبر }
{سبحان الله وبحمده سبحان الله العظيم }
{ استغفرك ربي واتوب اليك}
اي ذكر يخطر ببالك تراه ترديد ولو بقلبك وبينفعك يوم القيامه ,,
ولا يبي تعب ولا يبي حتى وقت فاضي وانتي تقرين رددي .,,
وبس هذا الي كنت بقوله لكن الان انتن استفدتن شئين..
متع الدنيا والاخرة بوقت واحد ..
متع الدنيا اهتميتي بجمالك ونفسك ,,
متع الاخرة ذكرتي ربك وكسبتي قصور بالجنه ,,
ويالله طولت عليكن بس اذا لشي فهو محبة فيكن ,,
ايه تعالن روحن غسلن وجيهكن مرت ربع ساعه ==>>> خخخخ
وارجعن كملن قراة بس القناع وقته قضي,,
بس ذكر الله ما يقضي استمرن اقرن واذكرن ,,
فان الذكرى تنفع المومنين ...
يالله انا بروح اغسل وجهي وارجع اكمل قراة بعالمي الحبيب..
ايه حتى انا حاطه قناع مو بس انتن ههههههههههه
يالله دعواتكن ربي يفرجها علي وعلى زوجي
بالتوفيق للجميع
الله يعطيك العافيــــــــة
^
^
حفيدة سليمان