اللي فاهمه لعزايم الرجال .. تدخل!

مراااحب انا افضل انك تسوي سبرينق رول وسنبوسه وبيتز وخليه وسوي صينية خضار لازم يكون بينهم صواني مو كلها خفايف وصنية الخضار انا بعطيك طريقتي الي الكل منجن عليها وتطلب مني بكثره وهي تجيبي بطاطس وباذنجان مقطع مكعبات صغيره ومقلي وتسوي لحم مفروم بطريقتك بس يكون بدوون طماط وخضار سويه بس بصل وبهرات وملح وخلطيه مع البطاطس والباذنجان وحطي رشه ملح وبهار وحركيهم مع بعض وجيبي حبة فلفل رومي مقطعه صغار وحطيها فووقهم وخلطيها وصفيها في صينيه بيركس وسط وضغطي عليها شوي بس وحطي قشطه علبه و3م جبن سائل و3 ملاعق ميونيز وحطيها فوقهم ودخليه الفرن حتى تتحمر ولله خطيره وسوي وسوي طبق ثاني والخيارلك مثل مصقعه او مكرونة بشميل او اي شي تفضلينه اهم شي يكون فيه اطباق رئيسيه ولا تنسي الشوربه مهمه وحطيه بعد الصلاه الرجال يحبوووه وهي رئيسيه عندهم واتمنى اني افدتك
دعوااتك ربي يسهل ولادتي

كيك السينابون دائما اسويه للرجال سهل ويواجه للاخت احب التشيز كيك وهذا الرابط
http://forum.hawaaworld.com/showthread.php?t=3038870
التمر حطيت عبيط بدل التمر العادي وانا غيرت شوي بالصوص وحطيت بعد ماصبيت النستلة على الكيكة حطيت لوز مجروش وفوقه توفي عادي وحطيت خطوط هيرشي وطلع خطير 

كيكة السينابون


خلي اقياسك قوطي القيمر أو علبة الروب

**الخلطة 1**
3 بيضات
ملعقة طعام فانيليا
1كوب سكر
1كوب زيت
علبة حليب أبو قوس تبع الشاي وليس المركز
(نخلطهم في الخلاط الكهربائي )

---------------------
** الخلطة 2رقم :**
1 ونص كوب طحين
2 ونص ملعقة طعام بيكنغ بودر
ذرة ملح
( نخلطهم مع بعض )

--------------------
** الخلطه 3**
3ملاعق قرفه مطحونه + 3ملاعق سكربني
--------------------

الطريقه

نضيف الخلطة رقم 2 على الخلطة رقم 1 ونخلطهم جيدً ثم نضع في صينيه مفتوحه مع
الوسط نص الخليط ثم نرش الخلطه 3 على الكيكه بالمشخل ثم نضع باقي الخليط
ونضعها في الفرن نشغل من تحت أول ثم من فوق .
ثم نخرجها من الفرن ونضع الصلصة عليها وهي حاره

الصلصلة :المقادير :1حليب أبو قوس \ 1علبة قشطة أو قيمر \ نص كوب سكر \2 ملعقة طعام قرفة
نخلطهم بالخلاط الكهربائي ثم توضع على النار حتى يتماسك ثم تسكب على الكيكة وهي حاره
ثم تترك لتبرد قليلا وتجمل بالهيرشي و الجوز الجروش




هالكيكة طعمها بالراس

الله يقويك يارب


لا اله الا الله ..

الله يعطيكى العافيه أنا مافهمة هو فطور على المغرب أوفطور وبعدين بعد التراويح يكون العشاء عموما حلو المينو بس لازم صينية خضار ومكرونة أما بالبشمل أو مكرونة صينى والحلى إيش رايك بالحلى الدوبلماسى هو حلى وكيك مع بعض يعنى 2فى واحد وبالتوفيق