الله يصبرك انا مثلك ولدت في الشهر السابع وولدت طبيعي عاش في الحضانة عشرة ايام ومات كانت حالتي جدا سيئة لدرجة اتمنيت الموت لأني كنت كل يوم أروح المستشفي أزوره لكن الحمدلله على حال الحين اما فتحت موضوعك ذكرتني بولدي إلي فقدته ودمعي سال من عيني تعرفي حسيت بفارغ جدا كبير في حياتي زوجي كان يحاول يخفف عني ماقدر كل ليلة كنت ابكي وامسكك الملابس إلي شرتها
لو كل يوم اذكر وجهة الصغير يوم اروح اشوفه وماكان لي رغبة في الحياة وانا الحين حامل واتمني من الله يتمم لي علي خير لأن
زوجي يحب الأطفال بس حبي وتعلقي بولدي الميت أكثر من إلي يكبر كل يوم في رحمي ماني عارفة أعزيك أو اقولك شافع نافع في
الأخرة تعرفي أنهم الآن هم طيور في الجنة ويشفعولنا يوم القيامة الله يصبرك ويصبرني معاك في مصيبنا تعرفي إلي يصبرني أني أعرف
أنو ولدي وبنتك في مكان أفضل من الدنيا ألي احنا فيها الله يجبر كسرك أنا ما اقول انسي النسيان صعب أم تنسي ضناها اتمني المره
الجاية نسمع عنك اخبار حلوة

اللهم لك الحمد كما ينبغي لجلال وجهك وعظيم سلطانك

اللهم أجرني في مصيبتي واخلف لي خيرا منها

بقول لك الي صار معي عسى الله يخفف عني وعنك

أأأأأأأأأأأأأأأأأأه انا حملت بالولد الي تمنيته حتى قبل لا أتزوج.. يعني حلم حياتي يجيني ولد ..حملت به بعد تسقيط وبالمثبتات وسارت اموري على خير..

طرت من الفرحه لمن قالوا ولد..لان عندي بنت الله يحفظها بس كبيره..

أبوها كذلك جدا كان فرحان لان كل اخوانه وأصدقائه عندهم أولاد..

وبديت أجهز.. وأشتري كل شي .. حفاضات .. رضاعات .. ملابس زرقاء << حلم حياتي

وبنتي طايره من الفرحه!!

تخيلي رحت أولد قالوا توفى!!!!

والله الكل كان مستغرب .. كل شي سلييييييييييييم

الدكتورة قالت هذا توه متوفي ..

نزفت لين بغيت اموت..

والله شكلي كان زي الاموات مافي لون ولا ملامح من النزف أأة

كله كووووووووم




ولما جابوه اشوفه قبل لايقبرونه كووووووووووووووووم


والله العظيم تقولين نايم مو متوفي..

بس كان بارد من ثلاجة الموتى

خميته وماعاد شفته بعدهااااا

نفاسي كله عذاااااااااااااب

بنتي بس تسأل عنه

والناس صارو يخافون احسدهم على أولادهم

بس الحمد لله أنا عندي ولد شفيع احسن منهم أن شاء الله
يارب عوضني بالولد وامدد لي في عمره .... اللهم اكفينا شر عيون خلقك ... كله بسببهم

تعوذو بالله من الشيطان الرجيم واصبرو واحتسبو

انا مثلكم توفت بنتي البكر بعد شهر من الولادة ولاحظو انها البكر يعني ماعندي احد يسليني ويوم جاني خبر وفاتها

تمالكت اعصابي ولا بكيت كثير نص ساعة وبس بعدين صار الوضع عادي ومن بكره بكيت مره ولا كان عندي احد

ويوم رجعت من الاربعين بكيت ثلاث مرات مرة يوم سمعت شيخ يقرا قران وكان مؤثر ومرة شفت مسلسل

فيه البنت متوفيه وهي توها مولودة وكانو يبكون عليها ومرة شفت بمسلسل وحدة تولد ويوم طلع النونو

عجزت امسك نفسي بكيت وكل هالمواقف وانا بنتي ماجاء شهر على وفاتها وبعدين خلااااااص ماعاد

ابكي لو اشوف مااشوف مايهمني يكفي انها شفيعة لنا ان شاء الله والحين بنتي متوفية لها ثلاث

شهور والوضع عااادي ليه البكاء والحزن بدل مانبكي ندعي لانفسنا بالعوض من الله

اللهم اجرني في مصيبتي واخلف لي خيرا منها يااااااارب

الله يصبرك ويعوضك خير يارب

الحين الناس ماصارت تعطي خير أعوذ بالله من يوم يشفونك حامل يحسدون تعرفون انا الحين ماسرت اخرج من بيتي ولا زيارات ولا
عزايم عشان مايعرفون أني حامل انا في حملي البكر كانت وحده تسئلني يوم تشرفني هو يتحرك لا وهي عندها أولاد الناس صارت
عينها فارغة ما تملاها تراب كأنهم يبغون الحمل لهم وأنتي لا
الله يصبرك ويعطيك الذرية الصالحة وتفرحين بها