السلام عليكم ورحمة الله وبركاتة ,
مرحبا ياأمهات المستقبل الجميلات ...
بقولكم عن شي توني مجربته هذي الدورة قريت عنه وايد وماصدقت من اول مره بستخدمه بستفيد منه كذا
انا مشكلتي بالحمل من زوجي وانا الحمدلله سليمة بس يعني احرص قبل مانسوي اي شي اني انظف رحمي
واكون جاهزه للأنابيب او الحقن بأي وقت وكل وقت وأكون سليمة من كل النواحي بإذن الله وبعد اخذ بالاسباب
قريت عن عشبة كف مريم تاخذين كف واحد مع ملعقة عشبة المدينة و ملعقة عنزروت تغلينهم بماي وتشربينهم بأيام الدوره وانا زدت
عليهم قرفةوسكر عشان الطعم مر شوي بس تحملته عشان ابي النتيجة وممكن تضيفون حليب او عسل اللي تحبون من اول يوم الى اخر يوم
انا اشتريتهم قبل تجييني الدورة واستخدمتهم من اول يوم وكوب واحد قبل انام اشربه وصار لي يومين يابنات انا دورتي
لما تنزل لي يعني ابدل الفوطة تكرمون على بقعه صغيره يعني مو شي يستاهل .. بس هالمره لا الاقي كمييه احسس اني انظف
وخصوصا لما ادخل الحمام تكرمون اغسل واقوم وانا للحين ينزل مني دم ... الين اليوم صارت تنزل علي قطع دم غامقه وهذا معناه
شي كويس ان الرحم قاعد يطلع كل اللي بداخله .. وياليت خواتي اللي عندهم انسداد ومشاكل يجربونها لان انا قريت عنها وايد
وناس تستخدمها من هذي الحالات وجابت وياهم نتيجة وتره بعد يعني تعطي مفعول سريع للي تبي تحمل لانها تساعد على
انتاج بويضات زينة للتلقيح وتعدل الهرمونات واللي يستخدمونها ويجربونها إن شاءلله بيدعون لي وتره تعبت واانا اكتب لكم
يعني مو منقول نوري كتبة الموضوع ههههههه , بس جربوه وادعوا لي بالذرية الصالحة ولكم يارب ..
ولنتايج افضل تستخدمونهم 3 دورات ممتتالية وتوقفون مايصير تطولون عليهم أكثر واللي تحس انها
حامل لاتتستخدمهم ابدااا الا لما تتأكد ان مافيها حمل لانها تسقط وزينة بعد حق عقب التسقيط مايحتاج
تروحين المستشفى بتلاقين نفسج نضفتي بعد ماتفحصين بإذن الله ....
ربي لاتذرني فردا وانت خير الوارثين ..
ربي هب لي من لدنك ذرية طيبة إنك سميع الدعاء..
N O O R Y @n_o_o_r_y
عضوة فعالة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️