اللي في الثلاثينات واش تحسين فيه؟؟

عيدكم مبارك حوائيات









الموضوع باين من عنوانه انا وحده قربت من منتصف الثلاثينات وذبحتني الوسووسه ...

مع اني الحمدلله حلوه ورشيقه وموباين عليا بس برضو لازم كل يوم قبل ماانام افكر بعمري واني قربت على الاربعين..

واتخيل شكلي في الاربعين... ونظرة الناس لي اكيد بيقولون عجوز:icon33:

والمشكله الاكبر اني مطلقه وهالموضوع مأثر في نفستي مرره... مع اني انا اللي طلبت الطلاق

الحمدلله انا مؤمنه بالمكتوب وظني بالله حسن بس دايما اخاف من المجهول... ياترى حتزوج واحد قريب من عمري... ولاشايايب يكح غبار.... ولا يمكن ماراح اتزوج وتروح احلى سنين عمري في الحرمان... واصلا مين بياخذني اذا كبرت اكثر من كذا ومطلقه كمان... واذا ماتزوجت اللحين وحملت متى بحمل ماينفع احمل وانا بالاربعين......يووووووووه


والله عذاب كل يوم وقت النوم تتجمع كل الافكار السلبيه....(على فكره انا عندي ولد من زواجي السابق الحمدلله بس ودي بأثنين كمان)

من جد تعبت بس اكثر شي تاعبني في هذا الموضوع هو العمر..


عشان كذا ابغى كل وحده بعمر الثلاثينات تدخل تقولي

اش انطباعها عن نفسها ,,

وكيف تشوف الحياه هل هي مقبله على الحياه ولا مكتئبه من عمرها..

واهم شي كيف احساسها هل تحس انها مفعمه بالشباب والحيويه وتوها بأول عمرها؟

ولاتحس انها راحت عليها ؟


انا عارفه انها تفرق من وحده لوحده بس قلت نشوف الاغلبيه وان شاءالله مااتحطم زياده من الردود...


على فكره انا والله روحي مره شبابيه واحس اني لسى صغيره ودمي خفيف واحب الحياه بس كل مااتذكرت عمري يجيني احباط..

وبيني وبينكم السنه صارت تمشي زي الشهر والله احس اني كبرت بسرررعه خياليه...:44:

بس انا اقول نظرة مجتمعنا القاصره لهذا العمر لها دور اغلبهم يشوفو اللي بالثلاثين عجوز....هذا غير انه حياتي عند اهلي كئيبه لاروحات ولاجيات وفوقها مشاكل بعد الحمدلله على كل حال..

يعني احس وضعي هو اللي مخلي نظرتي سوداويه لعمري
لاني اشوف الفنانات اللي في الثلاثينات والاربعينات فالين امها ولا على بالهم..



ياللى ياثلاثينيات هلمووووو