هلا اختي انا كنت في ميزوري ( وارينزبرغ) توني راجعة لي 8 شهور هي اقرب ما تكون لبقيق في السعودية مدينة صغيرة جدا جدا وهادئة جدا جدا وعموما ميزوري زراعية كلها خضراء وجوها روعة يجنن
وانا وجارتي سعوديات وكنا نلبس العباية على الكتف لكنها واسعة وطرحة عريضة ونقاب وكله اسود عادي محد له دخل فيك ومرة كانت عبايتي في الغسيل رحت للوول مارت بعباية السعودية الي على الراس ولا فيه احد تكلم ولاضايقني وانا كنت مبسوطة كثير هناك والحمد لله وانا سمعت انه في كثير سعوديين يدرسون الان هناك
ايه صح انا كنت ادرس في معهد الجامعة وكان الاساتذه رائعين يعرفون عاداتنا وتقاليدنا وماكانوا يخلوني مع رجال يعني اجتماعاتي مع البنات والحمد لله درست 6 شهور بدون اي مضايقات صراحة ايام حلوة جدا
الله يرجعكم بالسلامة واهم شيء علميهم عن الاسلام

شكراً أختي DREAM22علىردك الله يوفقك على فكره انا من الشرقيه بغيت استفسر شوي عن اللي قلتيه معليش ؟؟
1* انا وزوجي ان شاءالله راح نكون بميزوري تحديداً سبرينغ فيلد زوجي راح يدرس بهذي الجامعه :
SOUTHWEST MISSOURI STATE UNIVERSITY
مش بجامعة ميزوري نفسها ,, وش رايك فيها سبرينغ فيلد ؟؟
2* يعني تقصدين مثل الشرقيه لبقيق مثلاً اللي هي( وارينزبرغ)لــميزوري !!
3*كم المده اللي جلستوها هناك ياعمري؟ ""معليش على التلصق " :S_45:
4*جاراتك السعوديات بنفس ولايتك وارينزبرغ ؟؟يعني انتي تقصدين السعوديين كثيرين بهالولايه ميزوري كلها او بمدينتك انتي وارينزبرغ؟؟
5* دورت عن وارينزبرغ بولاية ميزوري مالقيتها من ضمن المدن اللي بولاية مــــيـزوري متأكده ياعمري ؟؟
6* وش تعرفين عن سبرينغ فيلد تحديداً ياليت تفيديني اذا ماتقدرين تسألين لي الله يعافيك ؟؟
7* السعوديين اللي سامعه انهم يدرسون هناك بجامعة ميزوري
او بالجامعه اللي قلت لك عنها ؟؟او وين بالضبط ؟؟
8* الجامعه اللي فيها معهد وش اسمها الجامعه ممكن توضحين لي جزاكي الله الف خير ,,..

انتهى مقرر الأسئله عن الرد اللي كنتي كاتبته !!
معليش ياعمري

اللحين بدت أسئلتي : :biggrinlo
1*وش توصفين العيشه هناك يأختي DREAM22 مريحه ، تحسين بأمان اثناء خروج زوجك ، تقدرين تطلعين لوحدك بدون زوجك ، معليش مدري ليش احس العيشه هناك مثل الأفلام اللي أشوفها فــــــ متخوفه مره أحس ان لما يطلع زوجي اي احد ينط علي بالبيت :unsure: على فكره انا عندي بنت عمرها سنتين وشهرين ومفكره لما اروح امريكا احمل بأذن الله وش رايك بالمستشفيات هناك تعرين احد ولد هناك من صديقاتك ؟
2* انتي تقولين دخلتي معهد درستي 6شهوره هل انجليزي ؟؟ تحسين إنك استفدتي ؟؟
3* لما قررتوترحون لأمريكا راح زوجك ورتب الأمور واخذ لكم بيت وبعدين رجع اخذك او رحتي معاه على طول ؟؟انا زوجي مقرر اني اروح معاه يقول احسن لأني أخاف ماأقدر اجيلكم واخذكم اخاف الظروف ماتسمح مو على كيفي لأنه هو جيته الدراسه بعثه المده اللي مقررينها لنا سنتين وثمان شهور فقط !! وش رايك ايهم احسن اجلس عنداهلي على بال مايروح او .................؟؟
4* :angry2: أأأأأأأأوووووووووهـ هـ هـ هـ مليتي صح من كثر أسئلتي :D "هذا انا ماعط وجه
بس والله كنت ابي احد لأني بروح لديرتن ماأعرف فيها ولا شيء بس اسمع عنها واشوفها باالأفلام ..
على راحتك ياعمري بالرود إذا تعبتي كملي بعدين انا عارفه اني ثقلت عليك وايـــــــــــــــد مشكوره حياتي ..

عن نفسي البس عبايه كتف وطبعا متنقبه وكل البنات على هالحاااااااااااااال

انواع العبايات اسود كحلي رمادي بني سكري زيتي

والله يوفقك يارب

مشكوره اختي جنوبيه بغيت اسالك يعني عباه على الكتف عاديه مثل اللي يلبسونها بالسعوديه ودول الخليج ؟؟
وعادي اللون الأسود هناك ؟؟

هلا اختي فواحة الريف
اسفة على التاخير انا من الدمام بعد
بالفعل وارنزبرغ عن مدينتكم تقريبا ثلث ساعة وهي صغيرة جدا اصغر من مدينتنا وحليوة ومملة جدا مافيها اي سوق وما اخبر فيها سعوديين وجلسنا سنتين وشهرين
وميزوري مافيها سعوديين كثير
في مدينتنا الان فيه طلاب سعوديين جدد وماكان عندنا الا 3 سعوديات وجدة الله يذكرها بالخير راحت لولاية ثانية علشان زوجها يكمل الدكتوراه والثانية طالبة تدرس مع اخوها والثالثة مع زوجها والان هي رجعت معنا للسعودية
اسم المدينة
Warrensburg
واسم جامعتنا الي فيها معهد CMSU
Central Missory State University
ومن ناحية امان هو امان انا اروح للجامعة لوحدي وانا لابسه لعباية سوداء ونقاب يالله تشوفين عيوني والمسافة بين بيتي والمعهد 10 دقائق مشي
وبالنسبة للحمل احملي وانتي مرتاحة المستشفيات هناك رائعة جدا
وبالنسبة للمعهد نعم استفدت كثير لان كل كلامي بالانجليزي مافيه احد يساعدك الا نفسك
واياني واياك تخلين زوجك يروح لوحده
انا زوجي راح لوحده ومالله كتب انه يجي ياخذنا وتبهذلت في هالمطارات لوحدي مع 3 بنات صغار :icon33: :icon33:
واغراض البيت تروحون تشترونهم من كانسس هي بعد مدينتكم ب نصف ساعة تقريبا
وفيه بقالة هندية روعة وفيه مطعم هندي يجنن بس غالي شوي
واي سؤال ثاني خذي راحتك
بالتوفيق