انا بحملي الاول نشرت الخبر ان اللي في بطني ولد علمت امي وخواتي وام زوجي ..

بس هالمرة ماشاء الله علي ماقلت لاحد غير زوجي حتى خواتي يسألوني واقول مفاجأة بعدين يقولون اكيد ولد او اكيد بنت بيشوفون ردت فعلي بس امسك نفسي واسكت اقول هو ياولد يابنت وبرضه اللي يسألني من صاحباتي ارد عليهم نفس الشي

حتى شنطتي حقت الاربعين للحين ماوديتها لاهلي مع اني على وشك ولادة اخاف يفتحونها يشوفون ملابس البنوتة بعدين يعرفون :27:

وام زوجي اذا سألتني اقول لها مو باين بالاشعة او اقول غرفة الاشعة زحمة وماعملتها ان شاء الله المراحعة الجاية بشوف ايش هو واذا جت المراجعة الجاية اروح وهي ماتدري طبعا استحي اقول لها مفاجأة لو عليها عادي اعلمها ماعندي مشكله بس اعرفها بتعلم خوات زوجي وانا مابي احد يعرف

والحين جالسة تسألني وش ناوية تسمين البنت ( طبعا تجس نبضي ) وكنت دايم اقول مادري واخر مرة قلت لها مهي بنت ياخالة

<<<<<<<< نصابة
عاد هي على بالها اكشفتني صارت كل شوي تقول متى يجي ( نايف ) لا وسمته بعد ههههههههههه

والله حلو تخليها مفاجئه وبعدين لما تجهزي حق البيبي خذي ألوان تناسب الجنسين أحسن
حلو يكون مفاجئه ولما حد يسألك قولي ما أدري مابين واضح بالسونار:27:

ممكن سؤال
طيب ليه ما تريدون يعرفون
هو شي عيب نبي نخبيه
انا بصراحه بس اعرف اقول للجميع بنت ولا ولد
عادي ربنا رزقني برزق وهم يحبون يفرحون معي
واما بنعمة ربك فحدث
من اهلي لاهل زوجي
بلاش حساسيه زايده كنا نحمل قنابل نوويه خايفين يكشفون سرها
خدوا الحياه ببساطه تعيشون مرتاحين

اما عن نفسي من يسئلني احد واوصف اليهم شنو احس من اعراض الحمل يقولون لي ان فيني ولد اقوم اضحك ويسئلوني فيج ولد او بنت اضحك وينكشف امري مع اني اقول اليهم هذا سر وبعدين بتعرفونه بس من كلامي يقولون عرفنا ان فيج ولد ما اعرف اجذب ووجهي من شكله يعرفون شنو فيني من ابتسامتي وش اسوي يالله مع اني دايما اقول بسويه مفاجئه للاهل والاحباب بس فضحت روحي بروحي :23:

صراحة مشاركاتكم حلوة مرة وماماقصرتم...
بالنسبة لي ...أنا انحرجت مع أمي كثير ..
لأني معاهدة زوجي إني ما أقول لأحد حتى أمي..
ومنها:
كلمتني من السوق قالت: أنا اشتريت ملابس للمولود...
بس الأحسن أزرق ولاوردي ولاإيش !!!!
ماعرفت شقول:29: قلت : ماما مايحتاج !!
بعد الإصرار قلت لها : اللي تبين ..