اللي قالولها ان حوضها صغير قبل الولاده

الله يعينج حبيبتي حطي هالشيء دوم ببالج الشيء اللي تخافين منه سبحان الله يصيبنا
أذكر أيام الملكة كنت دايم أقول لزوجي كم أولاد تبغي أجيب لك فيقول لي 6 أولاد و6 بنات وكنت أرد عليه وأقول لو ماجبت لك ولا واحد يعني مافيني عيال أو ماراح احمل بسرعة وسبحان الله الخوف اللي كان داخلي صار صحيح وعانيت اربع سنين علشان اسمع كلمة ماما عسى الله يعوضني خير على صبري واسمع هالكلمة عن قريب يارب..
و انتي توكلي على الله ولاتشغلي نفسج بهالأمور خلي كل شيء على الله ..

اختي توته..الله يتمم لك علىخير .ويرزقك بالذرية الصالحة ولايحرمك ولايحرمنا منها..


بالنسبة للأخت هارت..
انا عرفت ان الحوض صغير عندي من أيام فقط..بالكشف الداخلي..قالت الي الدكتورة ان الحوض عندك ضيق ولازم ولادة قيصرية ..طبعا هاذي ماهي الدكتورة المسئولة عند التوليد..
بس دكتورتي الثانية تقولي لا ابدا ماراح نبدء بقيصري نحاول بالطبيعي وبعد كذا إذا ماصار فيه شي نولدك قيصري..
تقولي مأحب نبدأ مع البكرية بقيصري..لأن الله اعلم ممكن تولدين طبيعي..
ادعلي لي ان الله يهون علي وأولد طبيعي..

أختي لا تشيلي هم اصلا حتى لو اكتشفوه بدري ما ينفع ولا يضر أنا بحملبي ببنتي الاولى عملت لي الدكتوره اشعه وقالت الحوض صغير وولادتك راح تكون قيصري واصلا بنتي كان راسها لفوق وسبحان الله ولله الحمد ولدت طبيعي وقبل الولاده بوقت قصير البنت ببطني لفت لتحت والحوض هذا ما حد ذكره وقتها , وولدت بعدها ثلاث مرات كلها طبيعي ولله الحمد وانا اصلا الحوض عندي مقاسه اقل من المقاس المفروض

جوجو
الله يعينك يارب
المشكله لا صرتي محيرينك كيف الولاده بتكون
الله يهون عليك وتكون طبيعي يارب

حبيبتي mooon_14 الله يخليهم لج يااارب
بس حبيت اسألج جم اوزانهم لمن تولدينهم ... لان انا مثلج الفرق عندي عن الحوض الطبيعي بسيط ومع هذا ولدت قيصري .. وقالو الثاني نشوف حجم الجمجمه ومقاس الحوض ويبين اذا قيصري او لا .. مع انهم قالوا خلاص انتي قيصري .. ولدي كان وزنه 3 ونص .. فياليت تفيديني الله يجزاج خير