اللي قدمت في جداره ووظفو بنات نقاطهم اقل من نقاطها بنفس التخصص .. تعالو

بسم الله الرحمن الرحيم


السلام عليكم ورحمة الله وبركاته

كيفكم يابنات .. عساكم بخير !! اهم شي الإسلام والصحه وشكر النعمه وغير كذا مايسوى علينا نزعل عشانه ونتحسب على ناس مالهم ذنب لاني اكتشفت ان طريقة النقاط فعلا عادله ومافيها واسطات ولا تلاعب ... قولو الحمد لله وعسى تاخير الوظيفه خيره ان شاء الله ...
المهم !! انا مثلكم يابنات نقاطي عاليه ووظفو بنات نقاطهم اقل من نقاطي وبنفس التخصص ونفس المدينه اللي اخترتها ... انا من خريجات 1426 تربوي رياضيات لكن اول مره بحياتي اقدم لجداره لاني مغتربه لكن هالسنه اخر سنه ونازله قريب بحول الله .. وماكنت اعرف قوانين جداره بالتحديث وصحة البيانات والزحمه اللي مسوينها فيه ...
ومن اول ماسجلت في الفتره حقت التسجيل وانا ادخل وأحدث يوميا ويمكن كل يوم مرتين واكثر .. واكتشفت بعد فتره ان فيه شي غلط في بياناتي وهي اني كتبت اسم الجامعه اللي ضمت الكليه اللي درست فيها وكان المفروض اكتب كلية بنات بدالها في المؤسسة التعليميه .. ولهالسبب مادخلت المفاضله ... ويمكن بعد لاني كنت أحدث يوميا ..


ليش التحديث اليومي يلغيني من المفاضله ؟؟؟؟؟؟؟
لان والله اعلم يابنات ان السيستم عندهم مايحفظ التاريخ اللي سجلت فيه في البرنامج .. ومع كل عملية تحديث يتغير التاريخ في ملخص الطلب .. وهم لما يفتحو ملفي يلاقو اني محدثه من يومين مثلا او بتاريخ امس لو حدثت امس .. يعني كأني ماسجلت بالفتره اللي حطوها للتسجيل .. يعني مسجله متأخر .. ولذلك ماادخل المفاضله ...

انا كنت زعلانه واتحسب عليهم وأقول فيه تلاعب لكن الحمد لله وضح الأمر عندي .. وان شاء الله يكون وضح بعد عند كل وحده تتسائل عن سبب عدم ترشيحها للوظيفه ...

إذن لما ينزل اي إعلان للوظائف لاتحدثون ولاتعدلون في البيانات إلا لما يطلبون منكم هالشي ...

وياربي يرزقني وإياكم الوظيفه اللي فيها خير ... ويكفينا شرها ويبعدها لو فيها اذى ....

وسلااااامتكم