اللي قدموا وحطوهم برى الرياض / واللي يعرفون معاهد معتمده وزينه ياليت يدخلون

بسم الله الرحمن الرحيم

السلام عليكم

اخباركم بنات ان شاء الله بخير

بنات ياليت تساعدوني والله ضايق صدري :( واحس الدنيا صاكه بوجهي

انا متخرجه هالسنه وقدمت على الجامعه وكل اللي حطوه لي انتساب في الرياض دين وعربي وتاريخ << وانا مااقدر امشي فيهم يعني انتساب احس صعبه شوي
وفنيه بالرياض << بس يبي لها كرف وتعب وانا مااقدر :( والا ودي فيها

والباقي برى الرياض


بحريملاء وضرماء والمزاحميه << واهلي مو مقتنعين مره فيهم
مع انهم عاجبتني يكفي ان التخصصات معقوله فاذا وحده مسجله فيهم وتحسهم كويسين ياليت تقولي

فقلت يمكن القى معاهد

فيليت لو وحده تعرف معهد معتمد ياليت تساعدني

وودي بدبلوم حاسب ومابعد قررت

شبكات او برمجه ...الخ << انصحوني وش اللي عليه طلب كثير

فتكفون وش المعاهد الكويسه بالرياض

وين موقعهم و كم رسومهم


انتظركم بفارغ الصبر

واعذروني على الازعاج