اللي قد سافرو على الخطوط الهولنديه KLM .. تتفضل ..

انا سافرت عليها من زماااااااان يمكن من 10 سنوات يعني قبل 11 سبتمبر وما بعده
اذكر انها كويسه بس ما كان معي اطفال وقتها

انا سافرت عليها يمكن من سنه ونصف والله انها كويسه ومريحه بس ما كان عندي اطفال بس لازم تشيلين معك اكل لطائره لك ولطفلك يمكن ما يعجبك اكلهم انا كنت اشيل شنطه متوسطه لطائره واحط فيا اكل حقنا لاني مااحب اكل الطائرات وشيلي العاب لبنتك علشان تسله فيها

مشكورات خواتي بس ماقلتو بالنسبه للبهارات اللي راح اخذها معي هل يمنعونها او لا عادي لأني ماخذه شنطه معي متوسطه فيها ترمسين قهوه وشاهي وبيالات وفناجيل والباقي أكياس بالكيلو بهارات وقهوه وهيل وبزار وزنجبيل وفلفل اسود وكمون ومن هالأشياء اخاف يمنعون اذا كانت بودره انتظر الرد بفراغ الصبر .....!!!

اختي عادي لو مثلا اخذ كاس جبن سائل وسندويشات ومن هالقبيل والا رايك اخذ معجنات ..؟؟

السلام عليكم

انا سافرت عليها بعد احداث سبتمبر على طول
والصراحه الخطوط مريحه وخدماتهم حلوه وتعاملهم رائع
وكان معى اولادى ما تعبونى كثير
بس الاكل ما اخذت معى شيئ بالشنط لان زوجى ما ايحب انى اخذ معى اكل الا البهارات اهلى يبعثوها لى من بلدى.
والقهوه تعودنا على النسكافيه.

وايضا الاكل للاولاد جربت مره انى احط لهم شنط على كتوفهم وفيه كل واحد سناك خفيف بهدلونى وصرت انا اللى حامله كل الشنط
فقررت منها انى اشترى لهم اى شيئ يحتاجوه من المطارات وما اتعب حالى .

شوفي اختي انا باتكلم من واقع تجربتي بس السفر كان من الإمارات , الله يلوع جبدهم مثل ما لوعوا جبدي حلفت اني ما اركبها ثاني مرة لدرجة ان ابويه سماه تاكسي الباتان من القرف اللي شفنه غير الأكل الله يعز النعمة ما تسر زين اني ماخذة معاي شيبس ليز كان أكلنا أما االبهارات نحن حطيناهم في شنطة و فوقها شراشف اللي حق الرحلات و عادي ما سو مشاكل في مطار هولندا او كندا يوم نزلنا بس الشنطة كانت في الشحن مع باقي الشنط و بس