اللي قربت من الأربعين تدخل؟؟؟؟؟؟؟؟؟؟؟

شفيكم بنات ترة كل سن له جماله سن الاربعين مايخوف مثل قبل الحين الوحدة فى الربعين تلبس وتخرج وتفرح وتسافر بعد كل شيء ممكن تسويه المهم الصحة والروح الحلوة والقلب النظيف وعيشى يومك مهما كان عمرج فى الاربعين يكونون الاولاد كبرو وتقل مسئوليتهم والواحد بلتفت لنفسه شوى يكون فيه وقت فراغ نقدر انسوى فيه اللى نبقيه لا صراخ اطفال ولا ازعاج البيت هادىء على طول حتى تاخذين راحتج اكثر مع ابوالعيال يوم كنت فى العشرين وحتى الثلاثين مستحيل اجلس على الكمبيوتر واتصفح النت ولا اقدر اخرج واحضر مناسبات لانى ماقدر اترك اولادى اللحين الحمدلله اتصفح النت واقرا حواء واستمتع بصحبتكم وقراءة ماتكتبونه وانشاءالله لي وصلتو لعمرى بتذكرون كلامى ويمكن اكون فى عالم اخر فلا تنسون تترحمون لى وعيشوا عمركم واستمتعو باللحظة ترى الايام لاترجع بس الذكرى تبقى وتعيشون وتذكرون

بصراحة انا يوم قربت على ال38 حسيت اني خلاااااص عجزت مدري ليه جاني ذا الاحساس وقعدت اهوجس وافكر بالموت وان الامراض تبي تجين .. واهم نقطة كانت شاغلتني انا ايش رايحة اكون بنظر زوجي..
الشعور دا تعبني كثييييييييير ولمن جيت ابدخل ال40 نفضت كلللللللللللل الافكار السودا هادي والظاهر ان احساس الحرمة بدخول الأربعين مو بسهل..مو الظاهر الا الأكييييييد ..هههههههه

قعدت أفكر واعاتب عمري شنو هالتفكير ..

ان كان على زوجي فهو مهما انا كبرت فهو بعد يكبر واهم شي انه اكبر مني ..

والموقف اللي اخذته أني خلااااااااص ابسوي ستوب للتفكير بالحمل عندي 5 وربي يخليهم لي بسبب مخاطر الحمل بسن ال40 ماهي بسهله ..

اطالع بنفسي بالمرايا اشوف اني مو كبيرة حيل ..

اكثر اللي يشوفني يقولون لي مو باين علي العمر واني يدوووووب 32 ..

اول كنت اكره اللي يسالني كم عمرك والحين ما عندي اي مشكلة لمن اقول توني طابة ال40

ليه اغبي عمري زواج والحمدلله متزوجة عيال والحمدلله عندي وشوله الحرج والكذب

واهم شي اني بنظر زوجي صغيرة وهو تفاجأ يوم درى اني دخلت ال40 وقالي ماشالله مو باين عليتس والعمر كله يا عمري .. ههههههههههههه مدري هو يجاملني الله يستر

والحين وصلت لقناعة باننا ما نقدر نغير شي وان عمرنا منعيشه ولكل عمر متعته وانا مستعدة اعترف بسني لو وصلت ال60 المهم اني اعيشها بسعادة
وما اقول الا ان ربي يكفينا شر امراض العصر واهم شي اننا نقضي عمرنا بطاعة رب العالمين
وهاداالأهم علشان الحياه قصيرة وما نطلب الا العفو والعافية..





مشكورة على موضوعك المميز

الحمد لله انا في آخر رمضان دخلت على اعتاب ال40والحمد لله احس الحياه حلووووووه خخخخخخخخخ ترى سن الأربعين احسه إني قمة النضوج للمرأه اما للرجل فآآآآآآآآآآآآآآآهههههه منه

شكراااااااااااا اختي ولا واحد شكراااااااااااااا اختي احتضار عالرد السريع بس ليتك اختي احتضار تغيرين اسمك تراه يعور القلب لكل واحد من اسمه نصيب

هل تعتقدون ان الرجل اذا كان مقارب لعمر المراه . ووصلت هي الاربعين يندم على زواجه بوحدة مقاربه له في العمر ولا مو شرط؟؟؟؟؟

و الله انصح البنات اللي ما تزوجوا ياخذون الكبير و لا ياخذون المقارب في العمر حتى ما تجيسها الهواجيس:26::(