اللي قربت ولادتها وما جهزت زيي ايش تسوي؟ اكيد ما لها الا عسولات حواء

مرحبا لكل الحلوين..........:)
على غفلة من الزمن اكتشفت اني بنهاية الثامن :09:
مو عباطه بس ما ابغى افكر عشان ما اخاف ودكتورتي تقول لي بالاسابيع مو بالشهر واختكم بالله بكريه......
المهم ما لكم بالطويله اشياء البيبي قد جبتها الحمد لله من زمان بس اجلت اشيائي....
فبغيت منكم الفزعه يا حلوات دلوني بس على الاماكن والشي الحلو وياليت شمال الرياض....
1-البيجامات الي معاها بلايز طويله للنفاس يعني.
2-الروب المفتوح اللي يتلبس على قمصان النوم بس ودي بقطني لانه اذا كتب ربي خلصت التاسع بتكون ولادتي نهاية 12 وبرد.
3-سنتيانات الرضاعه.
4-طواقي ذوق عشان اطقمها مع البيجامات.
5-بيجامات ستان.
6- محل عطار نظيف.
7-محل لفتافيت البيت يعني منظمات الادراج سلال ستاير للحمام وانتو بكرامه وافضل محل لتوزيعات وشوكولا المواليد.
8-هل تنصحوني بكرسي النفاس ولهوم ام عبودي ما افهم بالشغلات هذي.
وياليت اذا تعرفو احد يسوي اكل بالبيت يعني مفرزنات كويس دلوني لانو ما عندي احد يطبخ لي او للضيوف.
وبالمره اذا احد يعرف شغالة نظيفه بالشهر او مكتب تاجير.
ادري طولت عليكم بس الله يجزيكم كل خيرولا يحرمكم الاجر