اللي كانت تسوي تمليس و توقفت تماما عنه تدخل بسررعة

قوة بنات..

انا شعري كيرلي و جاااف وااايد .. و قمت اسوي تمليس لمدة 10 سنوات الحين.. في البداية كان عاجبني و حلو خاصة انه الجفاف خف كثير.. لكن لاحظت في الفترة الاخيرة انه صار جاف اكثر و باهت (حتى بالتمليس) و يتساقط بجنون.. و كلما سويته تمليس زاد الجفاف و التساقط..

عموما الحين ناوية اني اتوقف تماما عن التمليس.. و اخلي شعري على طبيعته.. لانه بصراحة شعري مو كلش مجعد.. لكن اظن انه من كثر الجفاف بين تعبان و باااهت..

فبغيت نصيحة من اي اخت نوعية شعرها مثل شعري .. مجعد (كيرلي) و جاف جدا جدا ... كانت تسوي تمليس و توقفت تماما.. و شلون هالشيء أثر على شعرها.. و شنو البدائل اللي استخدمتها عشان تستغني عن التمليس؟؟

رجاااء جاوبوني لان شعري بدا يخلص من كثر التساقط.. :(